GW5053/B93
gw5053_stockholm_380_J4v
gw5053_stockholm_381_J5r
gw5053_stockholm_382_J5v
Dat sulue gelt is manckt der ghemeen
Wan dyt nu were der ryken syn
Wan se de ware kopen in
Dat se entsetten mochten de armen
Vnde se syk eres armodes erbarmen
Men der armen gud seer kleyn
Dat sulue dencken se to syk to theen
Men de myldicheyt is nu vth deme lande
De by etlyken ryken was mannygerhande
Hir vormals in der olden tyd
Men nu vruchtet men nenen woker noch schande
Vnde maken etlike dure tyd in dem lande
Vnde slan tohope myt lysticheyt
De armod nemant to herten gheyt
Myt aller lyst men den doet plucken
Vp dat de duuel se wedder moge rucken
Woker vnde vorkoep den armen doet hynder
Vnde vorderft mannich so . myt wyff vnde kynder
De ryke den armen sus hemelyken erft
gw5053_stockholm_383_J6r
Achtet nicht dat mannich des hungers sterft
Men leth se vuste schryen . bydden vnde ropen
Ryst de ware . men wyl en nicht vorkopen
De wyn galt kortes teyn punt
He gylt veervndetwyntich nu tor stunt
Alzo stycht ok vaken vp dat korn
Des synt vorvrauwet de ryken doren
De wokener is denne seer vorvrauwet
Wan de arme syk achter den oren klauwet
Jk mach van der bathe nicht gerne schryuen
De men myt borgen vnde lenen doet dryuen
Van sodanen stucken gheyt mannich stolt
Men lenet nu munte vmme golt
De dat weed . de is nu seer kloek
Ja . schriff my vor x . xi int boek
Wan de tyd kort denne vmme gheyt
Ja . so mod gud golt denne syn bereyt
Se achten nicht wer ere edder got
Neen gheschreuen recht . ok neen ghebot
Deme kornekoper syn herte vpgheyt
gw5053_stockholm_384_J6v
GW5053/B93
gw5053_stockholm_380_J4v
gw5053_stockholm_381_J5r
gw5053_stockholm_382_J5v
Dat ſulue gelt is māckt der ghemeen
Wan dyt nu were der ryken ſyn
Wan ſe de ware kopen in
Dat ſe entſetten mochten de armen
V ſe ſyk eres armodes erbarmen
Men der armen gud ſeer kleyn
Dat ſulue dencken ſe to ſyk to theen
Men de myldicheyt is nu vth deme lande
De by etlyken rykē was mānyger hande
Hir vormals in der olden tyd
Alze by Abrahāme v by Dauid
By Lotte Tobyas v by Job
By Noe Jſaac v by Jacob
Mē nu vruchtetmē nenē woker noch ſchāde
V makē etlike dure tyd in dem lande
V ſlan to hope myt lyicheyt
De armod nemāt to herten gheyt
Myt aller ly men den doet plucken
Vp dat de duuel ſe wedder moge rucken
Woker v vorkoep den armē doet hynder
V vor derft mānich ſo . myt wyff v kynder
De ryke den armen ſus hemelyken erft
gw5053_stockholm_383_J6r
Achtet nicht dat mānich des hūgers erft
Men leth ſe vue ſchryen . byddē v ropē
Ry de ware . men wyl en nicht vorkopen
De wyn galt kortes teyn punt
He gylt veervtwyntich nu tor unt
Alzo ycht ok vaken vp dat korn
Des ſynt vor vrauwet de ryken doren
De wokener is dēne ſeer vorvrauwet
Wan de arme ſyk achter den oren klauwet
Jk mach vā der bathe nicht gerne ſchryuē
De men myt borgen v lenen doet dryuē
Van ſodanen ucken gheyt mānich olt
Men lenet nu munte vmme golt
De dat weed . de is nu ſeer kloek
Ja . ſchriff my vor x . xi int boek
Wan de tyd kort dēne vmme gheyt
Ja . ſo mod gud golt dēne ſyn bereyt
De yoden werden va vordreuen
De crien yoden ſynt wedder ghebleuen
Se achten nicht wer ere edder got
Neen gheſchreuē recht . ok neen ghebot
Deme korne koper ſyn herte vp gheyt
gw5053_stockholm_384_J6v