GW5053/B96
gw5053_stockholm_391_K4r
gw5053_stockholm_392_K4v
¶ De ist eyn narre . dede vorgyft eyn gud
Vnde gyft dat nicht myt fryem mod
Vnde dar to sur vnde oͤuel sued
Dat em nicht leues dar van en schud
Alze is ok . de vmme god wat deyt
Dat em na ruwet . vnde wert eme leyt
Vnde menet . god schole em laten werden
Wedder lon dar vor . hir vp erden
Vnde he myt wyllen dat nicht affbeyd
Dat god eme lone . myt salicheyt
De myt eren wat vorschencken wel
De lache vnde sy eyn vrolich ghesel
Vnde spreke nicht . twar ik do yd vngern
Wyl he nicht danck vnde loen entbern
De nicht vroliken gheuen kan
Des gaue sud ok god nicht an
De gaue eynem seer wol anstad
De sus vth fryem herten gad
Selden wert vorlorn de danck
Wowol yd ychteswan waret lanck
God heft dat loen dar vor bereyt
De hir gyft ycht vth myldicheyt
gw5053_stockholm_393_K5r
De ok vorwyt wat he eynem gyft
De is eyn narre . ok wor he blyft
¶ De ok wat heft vorschenckt tovorn
Vnde heft beyde gaue vnde danck vorlorn
Dat is eyn teken . wo yd gheyt
Dat he yd heft an narren gheleyt
Edder dat he ok dat sulue gud
Ghecklyken heft ghegeuen vth
De is eyn narre . eyn dor . eyn gheck
Na ruwe . valt gerne in den dreck
Sodane ruwe . so hir is ghesecht
Men seker ruwe vmme de sunde . is hillich vnde recht
GW5053/B96
gw5053_stockholm_391_K4r
gw5053_stockholm_392_K4v
¶ De i eyn narre . dede vor gyft eyn gud
V gyft dat nicht myt fryem mod
V dar to ſur v oͤuel ſued
Dat em nicht leues dar van en ſchud
Alze is ok . de vmme god wat deyt
Dat em na ruwet . v wert eme leyt
V menet . god ſchole em laten werden
Wedder lon dar vor . hir vp erden
V he myt wyllē dat nicht aff beyd
Dat god eme lone . myt ſaliccheyt
De myt eren wat vor ſchencken wel
De lache v ſy eyn vrolich gheſel
V ſpreke nicht . twar ik do yd vngern
Wyl he nicht danck v loen entbern
De nicht vroliken gheuen kan
Des gaue ſud ok god nicht an
De gaue eynem ſeer wol an ad
De ſus vth fryem herten gad
Selden wert vorlorn de danck
Wo wol yd ychteſwan waret lanck
God heft dat loen dar vor be reyt
De hir gyft ycht vth myldicheyt
gw5053_stockholm_393_K5r
De ok vorwyt wat he eynem gyft
De is eyn narre . ok wor he blyft
¶ De ok wat heft vor ſchenckt to vorn
V heft beyde gaue v danck vor lorn
Dat is eyn teken . wo yd gheyt
Dat he yd heft an narren gheleyt
Edder dat he ok dat ſulue gud
Ghecklykē heft ghegeuen vth
De is eyn narre . eyn dor . eyn gheck
Na ruwe . valt gerne in den dreck
Sodane ruwe . ſo hir is gheſecht
Mē ſeker ruwe v de ſūde . is hillich v recht