GW5053/B31
n2v
De ist eyn narre vnde gantz ane syn
Deme god gunnet tyd . vnde ghyft eme in
Dat he syk beteren schal by tyd
Vnde he denne noch in sunden lyd
Vortogert de tyd meer vnde lanck
Vnde synget . Cras . Cras . des rauen sanck
Dar dorch synt narren vele vorlorn
De alle tyd sungen . morn . morn . morn
Wat sunde an drypt vnde narheyt sust
Dar ylet men to myt groter lust
Wat god an drypt vnde recht is ghedan
Dat wyl ghar swarlyk vorder ghan
Wert he ghestraffet van welken luden
Ja morgen is beter bychten wan huden
n3r
n3v
So kumpt dan erst de morgendach
De denne dencket wol to bychten
Edder menet syk denne myt gode berichten
De is eyn gheck de dat so denckt
Wente he wert denne seer ghekrenckt
Vor wes herte god hueden klopt
De wed nicht . eft he en ok morgen ropt
De huede in syk syne gnade vth lesschet
Wed nicht eft he ene morgen esschet
Men lest vorderff he se in de grunt
God gaf en vele tyd to veler schicht
Se worden doch arger vnde beter nicht
De hueden to ruwen nicht is gheschyckt
Morgen eme noch vele mere entbrickt
Dar synt vele dusent ewich vorlorn
De menden beter to werden morn
GW5053/B31
n2v
De i eyn narre vnde gantz ane ſyn
Deme god gūnet tyd . v ghyft eme in
Dat he ſyk beteren ſchal by tyd
V he denne noch in ſunden lyd
Vor togert de tyd meer v lanck
V ſynget . Cras . Cras . des rauen ſanck
Dar dorch ſynt narren vele vor lorn
De alle tyd ſungen . morn . morn . morn
Wat ſunde an drypt v narheyt ſu
Dar ylet men to myt groter lu
Wat god an drypt v recht is ghedan
Dat wyl ghar ſwarlyk vorder ghan
Wert he gheraffet van welken luden
Ja morgen is beter bychtenwan huden
n3r
n3v
So kumpt dan er de morgen dach
De denne dencket wol to bychten
Edder menet ſyk denne myt gode be richten
De is eyn gheck de dat ſo denckt
Wente he wert denne ſeer ghe krenckt
Vor wes herte god hueden klopt
De wed nicht . eft he en ok morgen ropt
De huede in ſyk ſyne gnade vth lechet
Wed nicht eft he ene morgen echet
God echede de yoden to veler unt
Men le vor derff he ſe in de grunt
God gaf en vele tyd to veler ſchicht
Se worden doch arger v beter nicht
De hueden to ruwen nicht is ghe ſchyckt
Morgen eme noch vele mere entbrickt
Dar ſynt vele duſent ewich vor lorn
De menden beter to werden morn