GW5053/B33
o1r
o1v
¶ Eyn narre is . de dat gherynge wecht
Vnde dorbreken syn elike echt
Dar vth kumpt . hath . mord . vnde kyff
Dat sy nu man efte wyff
Wo sere dyt gode entyegen mach wesen
Dat mach men in der byblien lesen
Dar wy vele gudes lesen van
God hadde en vthermaten leff
Men do he ebrekerye dreff
Dar vmme quam vp en vele plaghe
Vnde moste bothe doͤn al syne daghe
Alle syne tyd bewenede he de sunde
Vnde krech gode nauwe wedder to frunde
¶ De heydene achten ebrekerye
Grotter sunde wan deuerye
Vnde plegen de to werpen in dat fuer
Men nu is dat holt alto duer
Werden se vor dyt fuer hir behoth
Jn der hellen wert ock eyn gheboth
Dar komen se hen in quader tyd
o2r
¶ De here in der olden ee gheboet
De syne ee brickt de steyniget doet
Men nu werden ghesparet de steen
Dar wert vuste dorch de vinger gheseen
Jn velen landen is hengent er recht
Vnde dyt wert nu hir vmme ghesecht
Scholdeme se nu in desseme lande
Alle hengen . dat were grote schande
So moste men ok mere ghalgen buwen
Vnde mannich scholde desse schande schuwen
Ach wo vaken dat yd nu schued
Dat de man dorch de vynger sued
Vnde leth syn wyff alzo betemen
Des syk eyn gantz slechte mod schemen
Eyne katte dede erst de muese smeckt
Alle tyd er ghemoͤthe dar hen streckt
¶ Welk narre dyt wed in warheyt
Des syn wyff sodane vntruwe deyt
Vnde he mede dorch de vynger sued
o2v
Jnt leste em yo neen gud en schued
He is suluen in schanden vndicht
Jk holde en vor nenen wysen nicht
He ghyft er orsake mer to fal
Dar to de naberen murmelen al
He is ghelykent vnde ghestalt
Deme grasfogel . de vth flucht in den walt
De kuckuck nympt des war to lest
He lecht eyn ey dan in syn nest
So heft he oͧel ghewesen vth
Vromde eyer broͤdet he dan vth
Dy wyl ick alder lenest han
¶ So dregen se ok vaken ouereyn
Ja wultu myt my ouerseen
Jk do dy des ghelyken wedder
Sus leggen se dan de echtschop nedder
We en beyden to der stunde
Wan de sele gheyt vth deme munde
Du brickst den elyken hylghen bant
Den god suluen makede . myt syner hant
GW5053/B33
o1r
o1v
¶ Eyn narre is . de dat ghe rynge wecht
V dor breken ſyn elike echt
Dar vth kumpt . hath . mord . v kyff
Dat ſy nu man efte wyff
Wo ſere dyt gode entyegen mach weſen
Dat machmen in der byblien leſen
Wente Dauid de vul hylghe man
Dar wy vele gudes leſen van
God hadde en vthermaten leff
Men do he ebrekerye dreff
Dar vmme quam vp en vele plaghe
V moe bothe doͤn al ſyne daghe
Alle ſyne tyd be wenede he de ſunde
V krech gode nauwe wedder to frunde
¶ De heydene achten ebrekerye
Grotter ſunde wan deuerye
V plegen de to werpen in dat fuer
Men nu is dat holt alto duer
Werden ſe vor dyt fuer hir behoth
Jn der hellen wert ock eyn ghe both
Dar komen ſe hen in quader tyd
o2r
Jd ſy dan dat ſe doen alze Dauid
¶ De here in der olden ee ghe boet
De ſyne ee brickt de eyniget doet
Men nu werden ghe ſparet de een
Dar wert vue dorch de vinger gheſeen
Jn velen landen is hengent er recht
V dyt wert nu hir vmme gheſecht
Scholdeme ſe nu in deeme lande
Alle hengen . dat were grote ſchande
So moemen ok mere ghalgen buwen
V mānich ſcholde dee ſchande ſchuwen
Ach wo vaken dat yd nu ſchued
Dat de man dorch de vynger ſued
V leth ſyn wyff alzo be temen
Des ſyk eyn gantz ſlechte mod ſchemen
Eyne katte dede er de mueſe ſmeckt
Alle tyd er ghe moͤthe dar hen reckt
¶ Welk narre dyt wed in warheyt
Des ſyn wyff ſodane vntruwe deyt
V he mede dorch de vynger ſued
o2v
Jnt lee em yo neen gud en ſchued
He is ſuluen in ſchanden vndicht
Jk holde en vor nenen wyſen nicht
He ghyft er orſake mer to fal
Dar to de naberen murmelen al
He is ghe lykent v ghe alt
Deme gras fogel . de vth flucht in den walt
De kuckuck nympt des war to le
He lecht eyn ey dan in ſyn ne
So heft he oͧel ghe weſen vth
Vromde eyer broͤdet he dan vth
Jodoch ſprickt ſe . Hans myn leuer man
Dy wyl ick alder lene han
¶ So dregen ſe ok vaken ouer eyn
Ja wultu myt my ouer ſeen
Jk do dy des ghelyken wedder
Sus leggen ſe dan de echtſchop nedder
We en beyden to der unde
Wan de ſele gheyt vth deme munde
Du brick den elyken hylghen bant
Den god ſuluen makede . myt ſyner hant