GW5053/B48
s3v
s4r
s4v
Schal he tor weken eynen dach denen god
De eme dat leret . is em eyn spot
Myt karden . boselen . supen . de festdage vordriuen
Edder sus in schanden . myt boͤsen wyuen
Synget vnde sprckt vnhouesche word
Men wat gode tokumpt . dat wyl nicht vord
Kan he eyn yar myt eynem meyster blyuen
So wyl he vort . vp syn ampt wyuen
¶ Neen hantwerck steyt mer in syneme werd
Jd is yo sunderlyck wor mede beswerd
Jslyck knecht nu meyster werden wyl
Des synt nu aller hantwerke vyl
Mannich syk to der meysterschop keret
De ne dat hantwerck heft gheleret
Eyner deme anderen werket to leyde
Vnde drift syk suluest vaken ouer de heyde
Dat he yd wol veyle tuegen kan
Des mod mannich vaken . tome dore vthghan
Wat desse nicht wyl wol veyle gheuen
Des vynt men sus dre . edder ander seuen
De menen dat to tuegen wal
s5r
Doet doch nicht arbeyt . so men schal
Men sudelt nu so hen . eyn yslyk dynck
Vp dat men dat moghe gheuen gherynck
Dar by mach men nicht lange blyuen
Duer in kopen . wol veyle vordriuen
Vp wol veyle kopen . gheyt yderman
Vnde ist doch gantz nene waringe dar an
Dan weynich kosten men dar an leyt
Vnde wert so hen . myt der hast bereyt
Jd schynet buten . wo yd sy ane straff
Dar mede de hantwerke . ghan vast aff
Moͤgen nicht wol erneren syk
Wat du nicht deyst . dat do doch ik
Vnde legge dar an nene kost noch tyd
Dat ik vele make . myt kleyneme flyd
Jk suluen dat ik warheyt saghe
Myt dessen narren hebbe ik vele daghe
Vor dreuen . er ik se hebbe ghedycht
Noch synt se nicht recht to gherycht
Jk bedorfte noch wol lengeren dach
Neen gud werck hast . lyden mach
Maler . snytker . becker . gholtsmyt
s5v
De eyne hantwerkesman den anderen beschyt
Wor yslyk yummer kan vnde mach
Ja twyntich par scho vp eynen dach
Edder sus eyn dosyn daggen bereyden
Borgen vele vp . vp lange beyden
So mot men denne to deme dore vthraken
Boͤse tymmerlude vele spoͤne maken
De murer breken grote loͤke
De druckers maken nu vele boͤke
Vele ghedrucket vnde weynich ghecorrigert
Eynen gulden vordenet . vnde veer vorteret
De drucker ghesellen in deme brasz vmmeghan
Se laten vaken de werckstede stan
Vorteren eynen dach eyner weken loen
So kan he den anderen dach nicht doen
He sprickt ik kan nicht arbeyden huede
Desse narren weren anders er manckt de luede
Ghekomen . ya wol eyn yar int best
Ere arbeyt ist seer swar vnde hard
Jd wyl ock hebben syne rechten vard
Myt vruchten . vlyen vnde recht hanteren
s6r
Myt setten . drucken vnde corrigeren
Vpdraghen myt der swarten kunst
Trachten to blyuen in des meysters gunst
Vp dat he eyn par gulden . en vorlegge mede
So wert dat werck des to er nicht rede
Wryuen ferwe vnde bernen roek
Dar hoͤret vele to . eer dar wert eyn boek
Vele synt dede lange . in deme arbeyde sytzen
Maken yd to beter . nicht eyne bytzen
Vnde hebben de kunst nicht wol ghelerd
Mannich in dyt schyp gherne verd
Wente vele guder boszen synt dar in
De groet arbeyt vnde kleynen ghewyn
Hebben . vnde vorteren dat gherynck
Wyn . beer . leuet en bouen alle dynck
Vp tokumpstyge tyd se klene sorgen
Wo se man vele mogen vp borgen
So ghan se vast hen in deme suzen
Dre ghecke maken den verden dor
To vntyden mylde edder alto karch
s6v
¶ Mannich wyl syn eyn kopman ock
Vnde maket syne rekenschp alze eyn goek
De wyl nicht lange eyn kopman syn
De vele vth ghyft . vnde nympt nicht in
De myt der ware vnde munte vmmegheyt
De he nicht kent vnde nicht vorsteyt
Des kopenschop gar drade vorswynt
De meer loen vth ghyft . dan he wynt
Men kan nu nicht vorkopen meer
Men hebbe denne gode vorsworen seer
Koft men de ware in . men sweret vele
Men schendet de ware vnde vyndet er schele
Men wan he wedder vth vor kost to lesten
So sweret he noch meer . yd sy van deme besten
Dar by is to merken . dat in al deme lande
Vele narren syn . ya ok mannigerhande
Alsus faren de hantwerkes ghesellen dar hen
Efte ick nu welke hebbe ouerseen
Den mach ik hir na eyne kappe bringen
Dar se mede hen to schepe springen
GW5053/B48
s3v
s4r
s4v
Schal he tor weken eynen dach denen god
De eme dat leret . is em eyn ſpot
Myt kardē . boſelē . ſupē . de fedage vordri⸗
Edder ſus in ſchādē . myt boͤſen wyuē (uen
Synget v ſprckt vnhoueſche word
Men wat gode to kūpt . dat wyl nicht vord
Kan he eyn yar myt eynem meyer blyuen
So wyl he vort . vp ſyn ampt wyuen
¶ Neen hātwerck eyt mer in ſyneme werd
Jd is yo ſunderlyck wor mede beſwerd
Jſlyck knecht nu meyer werden wyl
Des ſynt nu aller hantwerke vyl
Mānich ſyk to der meyerſchop keret
De ne dat hantwerck heft gheleret
Eyner deme anderen werket to leyde
V drift ſyk ſulue vaken ouer de heyde
Dat he yd wol veyle tuegen kan
Des mod mānich vakē . to dore vthghan
Wat dee nicht wyl wol veyle gheuen
Des vyntmen ſus dre . edder ander ſeuen
De menen dat to tuegen wal
s5r
Doet doch nicht arbeyt . ſo men ſchal
Men ſudelt nu ſo hen . eyn yſlyk dynck
Vp datmen dat moghe gheuen gherynck
Dar by mach men nicht lange blyuen
Duer in kopen . wol veyle vor driuen
Vp wol veyle kopen . gheyt yderman
V i doch gantz nene waringe dar an
Dan weynich koen men dar an leyt
V wert ſo hen . myt der ha be reyt
Jd ſchynet buten . wo yd ſy ane raff
Dar mede de hantwerke . ghan va aff
Moͤgen nicht wol erneren ſyk
Wat du nicht dey . dat do doch ik
V legge dar an nene ko noch tyd
Dat ik vele make . myt kleyneme flyd
Jk ſuluen dat ik warheyt ſaghe
Myt deen narren hebbe ik vele daghe
Vor dreuen . er ik ſe hebbe ghe dycht
Noch ſynt ſe nicht recht to gherycht
Jk be dorfte noch wol lengeren dach
Neen gud werck ha . lyden mach
Maler . ſnytker . becker . gholtſmyt
s5v
De eyne hantwerkeſman dē anderē beſchyt
Wor yſlyk yūmer kan v mach
Ja twyntich par ſcho vp eynen dach
Edder ſus eyn doſyn daggen bereyden
Borgen vele vp . vp lange beyden
So motmen denne to deme dore vth raken
Boͤſe tymmerlude vele ſpoͤne maken
De murer breken grote loͤke
De druckers maken nu vele boͤke
Vele ghedrucket v weynich ghe corrigert
Eynen gulden vor denet . v veer vor teret
De drucker gheſellē in de braß ve ghan
Se laten vaken de werckede an
Vor teren eynen dach eyner weken loen
So kan he den anderen dach nicht doen
He ſprickt ik kan nicht arbeyden huede
Dee narren werē anders er māckt de luede
Ghe komen . ya wol eyn yar int be
Werē de gheſellē nicht . vā apēberge ghewe
Ere arbeyt i ſeer ſwar v hard
Jd wyl ock hebben ſyne rechten vard
Myt vruchten . vlyen v recht hanteren
s6r
Myt ſetten . drucken v corrigeren
Vp draghen myt der ſwarten kun
Trachten to blyuen in des meyers gun
Vp dat he eyn par guldē . en vor legge mede
So wert dat werck des to er nicht rede
Wryuen ferwe v bernen roek
Dar hoͤret vele to . eer dar wert eyn boek
Vele ſynt dede lange . in deme arbeyde ſytzen
Maken yd to beter . nicht eyne bytzen
V hebben de kun nicht wol ghelerd
Mānich in dyt ſchyp gherne verd
Wente vele guder boßen ſynt dar in
De groet arbeyt v kleynen ghewyn
Hebben . v vor teren dat gherynck
Wyn . beer . leuet en bouen alle dynck
Vp tokumpyge tyd ſe klene ſorgen
Wo ſe man vele mogen vp borgen
So ghan ſe va hen in deme ſuzen
Kuntze apenſlechte van gheckeſhuſen
Hyntze van narrēberge . Henzeleyn ezels or
Dre ghecke maken den verden dor
To vntyden mylde edder alto karch
s6v
So vare wy denne hen to apenberch
¶ Mānich wyl ſyn eyn kopman ock
V maket ſyne rekenſchp alze eyn goek
De wyl nicht lange eyn kopman ſyn
De vele vth ghyft . v nympt nicht in
De myt der ware v munte vmme gheyt
De he nicht kent v nicht vor eyt
Des kopenſchop gar drade vorſwynt
De meer loen vth ghyft . dan he wynt
Men kan nu nicht vor kopen meer
Men hebbe denne gode vor ſworen ſeer
Koftmen de ware in . men ſweret vele
Men ſchendet de ware v vyndet er ſchele
Men wan he wedder vth vor ko to leen
So ſweret he noch meer . yd ſy vā de beē
Dar by is to merken . dat in al deme lande
Vele narren ſyn . ya ok māniger hande
Alſus faren de hātwerkes gheſellen dar hen
Efte ick nu welke hebbe ouer ſeen
Den mach ik hir na eyne kappe bringen
Dar ſe mede hen to ſchepe ſpringen