GW5053/B54
u2r
u2v
¶ De is myt narheyt gantz behaft
De nicht mach lyden datme en straft
Vnde wert dar vmme gantz vnduldich
Wowol in narheyt . groet is schuldich
Js yemant de em van wyszheyt secht
Edderem de hylge schrift vth lecht
De luten vnde harpen horet he nicht ghern
Men der sackpype . wyl he nicht entbern
Dat is . he blyft in der narrery
Vnde koket alzo der doren bry
Wyszheyt to horen . de wyse begherd
Dar dorch syne wyszheyt wert ghemerd
Eyn sackpype ist des narren spyl
Luten vnde harpen . acht he nicht vyl
Leret men eme gud . he gheyt hen lypen
Vnde socht syne koluen vnde sackpypen
Neen dinck eme ok beter bevalt
Men sus wert he in dorheyt alt
Myt vloken . myt seggen . myt beden . myt syngen
Kan men en nicht vth narheyt bryngen
Men mach vast prediken . he leth nicht aff
Vnde blyft in narheyt . beth in syn graff
GW5053/B54
u2r
u2v
¶ De is myt narheyt gantz be haft
De nicht mach lyden datme en raft
V wert dar vmme gantz vnduldich
Wo wol in narheyt . groet is ſchuldich
Js yemāt de em van wyßheyt ſecht
Edderem de hylge ſchrift vth lecht
De luten v harpen horet he nicht ghern
Men der ſackpype . wyl he nicht entbern
Dat is . he blyft in der narrery
V koket alzo der doren bry
Wyßheyt to horen . de wyſe begherd
Dar dorch ſyne wyßheyt wert ghemerd
Eyn ſackpype i des narren ſpyl
Luten v harpen . acht he nicht vyl
Leretmen eme gud . he gheyt hen lypen
V ſocht ſyne koluen v ſackpypen
Neen dinck eme ok beter bevalt
Men ſus wert he in dorheyt alt
Myt vlokē . myt ſeggē . myt bedē . myt ſyngē
Kanmen en nicht vth narheyt bryngen
Men mach va prediken . he leth nicht aff
V blyft in narheyt . beth in ſyn graff