GW5053/B4
c5v
c6r
c6v
De vrouwen hebben de huuen vorleyt
Dat is nu der narren ouerste kleyt
Myt apensmalte laten se syck smeren
Vnhouesche dracht se drade leren
Ere nacke is blod ere hals is naket
Merket wor aff desse dorheyt saket
Vnse lychte moed der apen lyket
Eyn nyevund kume deme anderen entwyket
Halskeden grote ringe dar an
Ghelyck efte se vor sunte lenhart stan
Myt swefel . hartz byffen se dat haer
Dar in sleyt men dan eyer klaer
Dat yd in dem schottelkorue werde krus
Vnde ghaen so bouen vp dat hus
To drogen by der sunnen efte by vuer
Dar vnder werden de luese nicht duer
By yungen vnde ock by den olden
Dat maket alle kleder synt vul volden
Rock . mantel . hemmet . vnde borstdoek
Pantofel . stefel . hosen . dat wammes ock
Kappen an dem mantel . eynen soem dar an
De yodesche sede wyl draden vpstaen
d1r
Eyn deel boekstaue dar an setten
Vp dat men yd yo moghe wetten
Vnde ock seen by der suluen libery
Van wat gheslecht der narre sy
So drecht men kort . so lanck tor tyd
So lange mauwen . so eng . so wyd
Vele nyer vunde in allen landen
Vnde wanckelbar myt velen schanden
Worde yd rechte to synne nomen
Wo erst de kledinge is vpghekomen
Wy mochten vns schemen wy rechten gecken
Wan wy vnse lyff dar mede bedecken
We ene dar argernisse van kumpt so groet
Wat se scholden bedecken maken se bloet
Haer . bruste . vnde ock ander lede
Wo god hir vmme plaget de lant
Vnde wert scheer hebben eynen boseren bestant
Fy fy der schande der dudeschen nacien
Se maken syk suluen grote temptacien
Myt schendiger kledinge gode to hoen
Deme duuel se grote werdicheyt doen
d1v
Mannige narrynnen vnde ok mannygen dor
Byndet de duuel sus vp syn roor
Dat he ander moge vangen vnde vorslaen
So heft he leyder mannigem ghedaen
Nene grotter schande wuste antodoen
Anon de konninck Naas soen
Bescheren ere barde . vnde tosnyden ere kleet
He leet en de kleder kort affhauwen
Dat yd was schendich antoschauwen
Dat wert klar in der byblien ghesproken
Mannich nu schamelosen sus heer gheyt
Syn rock kort bouen den lenden steyt
Se scholden syk schemen vor der lucht
Wente god . de natur vnde ok de tucht
Desse beden houesche kledinge der lede
Vp dat syk nemant en argere dar mede
Ok nicht en sy des duuels neth
So hir bevoreu is gheseth
d2r
Dar van quam he in sunde groet
Jn vele yammers vnde sware noet
God sande vp em vele plaghe
Noch dede he bothe alle syne daghe
Draden is eyne sunde yeghen god
Ghedaen . men seker lencksem gheboth
Jck spreke yd vorwaer vnde wol bedacht
Dat se so schendich nu heer gaen
De heft dem duuel groet denst ghedaen
Hadde he der dusent doet gheslagen
Dat scholde em so wol nicht behagen
Etlike gaen heer myt grotem ghebrasse
So is he eyn fleminck efte eyn frantzoser
So eyn engelsman efte eyn portegallozer
Vnstede is er syn . mannichfalt
So is ock er kleet des ghelyken ghestalt
d2v
Myt selsener verwe van velen stucken
Efte ene dat eyne nicht wolde lucken
So setten se eren trost to den anderen
Jn sodaner dorheyt ghaen se wanderen
Ach leyder welk eyne grote schande
Js dyt deme eddelen dudeschen lande
Dat de vorsten vnde ok ere wysen
De meysten an solke narheyt prysen
Nicht holden de olden guden sede
Men sued se nu in der doren klede
Se scholden id straffen an alsoweme
Vp dat houesche tucht nicht gans affqueme
Se mothen al rede dar vmme gheuen
Wyllen se ewich myt gode leuen
Ach dudesche lant dyn erbarheyt
Myt sodan narren vndergheyt
Vnde wert dy so dar vmme bescheen
Dat men groten yammer wert seen
¶ Vntuchtighe vrauwen van lichten dingen
Vele boser sede se ok vpbringen
De erbaren volgen dessen mede
Vnde prysen syk desser quaden sede
d3r
So vele gudes men en nicht kan lesen
Se wyllen al dorynnen mede wesen
Ere wangen se malen . ere antlaet smeren
Ere haer voranderen . er vorhouet scheren
Edder laten yd syk myt pynen vthplucken
Scholde ik al schriuen van dessen stucken
Eynes yslyken narren fantasy
Jk behouede wol eyne sunderlike lybery
De wysen dyt wol tom besten leggen
De narren hir contrari seggen
Wente narren vnde alle ander doren
De wyllen nicht gherne straffent horen
De rykeman in der hellen licht
Dar van dat ewangelium spricht
Van syner kledinge em in vor wyd
Dat ruwet em nu to ewyger tyd
Holofernes
Herodes vnde der noch meer
Se werden nu alle ghepyniget seer
Ock was er vthvart van hir seer quad
Eyn yslyk mach wol nach synem stad
Dreghen eyn kleed der erbarheyt
Dat dy meer reyse to othmodicheyt
d3v
GW5053/B4
c5v
c6r
c6v
De vrouwen hebben de huuen vor leyt
Dat is nu der narren ouere kleyt
Myt apen ſmalte laten ſe ſyck ſmeren
Vnhoueſche dracht ſe drade leren
Ere nacke is blod ere hals is naket
Merket wor aff dee dorheyt ſaket
Vnſe lychte moed dr apen lyket
Eyn nye vund kume deme anderē entwyket
Hals keden grote ringe dar an
Ghe lyck efte ſe vor ſunte lenhart an
Myt ſwefel . hartz byffen ſe dat haer
Dar in ſleytmen dan eyer klaer
Dat yd in dem ſchottel korue werde krus
V ghaen ſo bouen vp dat hus
To drogen by der ſunnen efte by vuer
Dar vnder werden de lueſe nicht duer
By yungen v ock by den olden
Dat maket alle kleder ſynt vul volden
Rock . mantel . hēmet . v bordoek
Pantofel . efel . hoſen . dat wāmes ock
Kappen an dē mantel . eynē ſoem dar an
De yodeſche ſede wyl draden vp aen
d1r
Eyn deel boekaue dar an ſetten
Vp dat men yd yo moghe wetten
V ock ſeen by der ſuluen libery
Van wat ghe ſlecht der narre ſy
So drechtmen kort . ſo lanck tor tyd
So lange mauwen . ſo eng . ſo wyd
Vele nyer vunde in allen landen
V wanckelbar myt velen ſchanden
Worde yd rechte to ſynne nomen
Wo er de kledinge is vp ghe komen
Wy mochtē vns ſchemē wy rechtē gecken
Wan wy vnſe lyff dar mede be decken
We ene dar argernie van kumpt ſo groet
Wat ſe ſcholden bedecken maken ſe bloet
Haer . brue . v ock ander lede
Van deen yſayas hir vormals ſede
Wo god hir vmme plaget de lant
V wert ſcheer hebbē eynē boſerē beant
Fy fy der ſchande der dudeſchen nacien
Se maken ſyk ſuluen grote temptacien
Myt ſchendiger kledinge gode to hoen
Deme duuel ſe grote werdicheyt doen
d1v
Mannige narrynnē v ok mannygē dor
Byndet de duuel ſus vp ſyn roor
Dat he ander moge vangen v vorſlaen
So heft he leyder mānigem ghe daen
Nene grotter ſchande wue an to doen
Anon de kōninck Naas ſoen
Men dat he den boden Dauites leet
Be ſcherē ere barde . v to ſnydē ere kleet
He leet en de kleder kort aff hauwen
Dat yd was ſchendich an to ſchauwen
Wo ſere Dauid dyt heft ghewroken
Dat wert klar in der byblien gheſproken
Mānich nu ſchameloſen ſus heer gheyt
Syn rock kort bouen den lenden eyt
Se ſcholden ſyk ſchemen vor der lucht
Wente god . de natur v ok de tucht
Dee beden houeſche kledinge der lede
Vp dat ſyk nemant en argere dar mede
Ok nicht en ſy des duuels neth
So hir be voreu is ghe ſeth
Do Dauid de kōninck hadde ghe ſeen
Der vrowen Berſabeen blothe been
d2r
Dar van quam he in ſunde groet
Jn vele yāmers v ſware noet
God ſande vp em vele plaghe
Noch dede he bothe alle ſyne daghe
Draden is eyne ſunde yeghen god
Ghe daen . men ſeker lenckſem gheboth
Jck ſpreke yd vor waer v wol bedacht
De de dudeſchen dar to heft ghe bracht
Dat ſe ſo ſchendich nu heer gaen
De heft dem duuel groet den ghe daen
Hadde he der duſent doet ghe ſlagen
Dat ſcholde em ſo wol nicht be hagen
Etlike gaen heer myt grotem ghe brae
Des einē dages einvrācke des āderē ein ſae
Des driddē dages is ſyn kleet ſo eynē walen
Doch was ſyn vader eyn burmā in wefalē
So is he eyn fleminck efte eyn frantzoſer
So eyn engelſman efte eyn portegallozer
So drecht he kleder ghe lyk den rutzen
Wo wol he ne recht en was in prutzen
Vnede is er ſyn . mānichfalt
So is ock er kleet des ghe lyken ghe alt
d2v
Myt ſelſener verwe van velen ucken
Efte ene dat eyne nicht wolde lucken
So ſetten ſe eren tro to den anderen
Jn ſodaner dorheyt ghaen ſe wanderen
Ach leyder welk eyne grote ſchande
Js dyt deme eddelen dudeſchen lande
Dat de voren v ok ere wyſen
De meyen an ſolke narheyt pryſen
Nicht holden de olden guden ſede
Men ſued ſe nu in der doren klede
Se ſcholden id raffen an alſoweme
Vp dat houeſche tucht nicht gans aff queme
Se mothen al rede dar vmme gheuen
Wyllen ſe ewich myt gode leuen
Ach dudeſche lant dyn erbarheyt
Myt ſodan narren vnder gheyt
V wert dy ſo dar vmme beſcheen
Datmen groten yāmer wert ſeen
¶ Vntuchtighe vrauwen van lichten dingē
Vele boſer ſede ſe ok vp bringen
De erbaren volgen deen mede
V pryſen ſyk deer quaden ſede
d3r
So vele gudes men en nicht kan leſen
Se wyllen al dorynnen mede weſen
Ere wangē ſe malen . ere antlaet ſmeren
Ere haer vor anderē . er vorhouet ſcheren
Edder laten yd ſyk myt pynē vth plucken
Scholde ik al ſchriuen van deen ucken
Eynes yſlyken narren fantaſy
Jk behouede wol eyne ſunderlike lybery
De wyſen dyt wol tom been leggen
De narren hir cōtrari ſeggen
Wente narren v alle ander doren
De wyllen nicht gherne raffent horen
De rykeman in der hellen licht
Dar van dat ewangelium ſpricht
Van ſyner kledinge em in vor wyd
Dat ruwet em nu to ewyger tyd
Holofernes Herodes v der noch meer
Se werden nu alle ghepyni get ſeer
Ock was er vth vart van hir ſeer quad
Eyn yſlyk mach wol nach ſynem ad
Dreghen eyn kleed der erbarheyt
Dat dy meer reyſe to othmodicheyt
d3v
GW5053/B3
c3r
¶ He is eyn narre dede sammelt gud
Vnde heft dar by nene vraude noch moed
He weed nicht wem he solkes spard
So wan he vth der werlde vard
Sodan vorleth syner vrunde vyl
De sele he nicht besorgen wyl
Vnde vrocht em breke tytlyck gud
Dencket nicht vele wat dat ewige doet
Myt sunden wynnet mannich gud vp erden
Dar vmme he moet vordomet werden
Syne eruen achtent to nener stunt
Se hulpen eme nicht myt eynem punt
Wattu suluen ghyfst vor dy
Dat vyndestu denne gheloue des my
c3v
c4r
Dat tytlyke gud in dessem leuen
En is dy nicht alzo ghegeuen
Dattu yd allene brukest vor dy
Jd horet dy nicht des gheloue my
Jd is dy gheleent van gode dem heren
Vppe dattu dat schalt wol beweren
Mede to delen den rechten armen
So wyl syk god dyner wedder erbarmen
Eyn truwe schaffer schaltu sus syn
Ouer dat gud des heren dyn
Du machst yd ok nicht vnnutte vorbringen
Edder sus vorbrassen in nenen dyngen
Eyn yslyk rekenschop gheuen moed
De meer ghylt wan hant vnde voed
Eyn recht wyse begheret nicht to werden
Ryke vp desser armen erden
Men dat he lere erkennen syk
De wysz is . de is meer dan ryck
We em de dar alle tyd vp synnet
Vnde dat tytlyke gud ouel wynnet
Jd synt al doren wo se yd betengen
De gud vnde quad tohope mengen
c4v
Myt valscheyt mannich vmmegheyt
Vntruwe synen egen heren sleyt
¶ Se holden id al vor grote bathe
Sware wychte vnde grote mathe
Hebben se wan se in meten
Men desses ghelyke se vorgheten
Wan se vthmeten vnde weghen
Vnde eren euenmynschen bedregen
Myt klener wycht myt klener mathe
We en allen myt desser bathe
We em de eyn wokener ist
Vnde alle dede soeken valsche lyst
We em de berouet synen ghelyck
Vnde menet ane god to werden ryck
¶ Dede ghelt bouen godes leue seth
Vnde alzus de armen sele vorgheth
De is der klenesten narren neen
He kumpt tor hellen nicht alleyn
Vnrecht gud mostu gans vnde heel
Weddergheuen . sunder yennigerhande feyl
De schrift de warheyt openbart
Vmme ghelt mannich ouel vart
c5r
Och wat is der ghelyken mannich dor
So dat desse nicht en syn doren alleyn
De ghelereden weten wol wat ik meyn
Se sammelen ghelt . help krum help recht
Kumpt yemant de dar entyeghen secht
Den mach men nicht lyden myt al
Wente he en horet nicht in eren stal
Men de myt en smeken vnde is en mede
Vnde louet seer ere valschen sede
He kricht wol eyn leen vor eynen anderen
Ja . de nu in der heren houe wanderen
Eyn selsen voghel manckt velen dyngen
De dar de warheyt wolde syngen
Wuste mannich wo dar scholde varen
Syn gud in seer korten yaren
Dat tytlike gud he slymmer achte
Vnde de sele he beth bedachte
Men dorheyt der ghyricheyt he bruket
So lange en de doet vorsluket
So hefstu noch nicht den rechten sum
Denne stot de koo den kouen vm
c5v
Des vngherechten sele wert denne gheschant
De motte vnde worm vretet er ghewant
De rust er suluer myt solker gheschicht
Desse bringen ghetuchnisse vor godes gericht
Ouer ere groten vnmyldicheyt
Denne volghet en sorge vnde alle leyt
Nicht hebben se vorstaen dat dyt is recht
Rykedom to holden als en stolten knecht
De grotste rykedom vp der erd
Heft de de rykedom nicht begherd
GW5053/B3
c3r
¶ He is eyn narre dede ſammelt gud
V heft dar by nene vraude noch moed
He weed nicht wem he ſolkes ſpard
So wan he vth der werlde vard
Sodan vorleth ſyner vrunde vyl
De ſele he nicht be ſorgen wyl
V vrocht em breke tytlyck gud
Dencket nicht vele wat dat ewige doet
Myt ſunden wynnet mānich gud vp erden
Dar ve he moet vor domet werden
Syne eruen achtent to nener unt
Se hulpen eme nicht myt eynē punt
Wattu ſuluen ghyf vor dy
Dat vyndeu denne ghe loue des my
c3v
c4r
Dat tytlyke gud in deem leuen
En is dy nicht alzo ghegeuen
Dattu yd allene bruke vor dy
Jd horet dy nicht des ghe loue my
Jd is dy gheleent van gode dem heren
Vppe dattu dat ſchalt wol beweren
Mede to delen den rechten armen
So wyl ſyk god dyner wedder erbarmen
Eyn truwe ſchaffer ſchaltu ſus ſyn
Ouer dat gud des heren dyn
Du mach yd ok nicht vnnutte vor bringen
Edder ſus vor braen in nenen dyngen
Eyn yſlyk rekenſchop gheuen moed
De meer ghylt wan hant v voed
Eyn recht wyſe be gheret nicht to werden
Ryke vp deer armen erden
Men dat he lere erkennen ſyk
De wyß is . de is meer dan ryck
We em de dar alle tyd vp ſynnet
V dat tytlyke gud ouel wynnet
Jd ſynt al doren wo ſe yd be tengen
De gud v quad to hope mengen
c4v
Myt valſcheyt mannich vmme gheyt
Vntruwe ſynen egen heren ſleyt
¶ Se holden id al vor grote bathe
Sware wychte v grote mathe
Hebben ſe wan ſe in meten
Men dees ghe lyke ſe vor gheten
Wan ſe vth meten v weghen
V eren euen mynſchen be dregen
Myt klener wycht myt klener mathe
We en allen myt deer bathe
We em de eyn wokener i
V alle dede ſoeken valſche ly
We em de be rouet ſynē ghelyck
V menet ane god to werden ryck
¶ Dede ghelt bouen godes leue ſeth
V alzus de armen ſele vor gheth
De is der kleneen narren neen
He kumpt tor hellen nicht alleyn
Vnrecht gud mou gans v heel
Wedder gheuen . ſunder yennigerhāde feyl
De ſchrift de warheyt openbart
Vmme ghelt mānich ouel vart
c5r
Judas Ananias Phinaus Achor
Och wat is der ghelyken mānich dor
So dat dee nicht en ſyn doren alleyn
De ghe lereden weten wol wat ik meyn
Se ſammelen ghelt . help krum help recht
Kumpt yemant de dar entyeghen ſecht
Den mach men nicht lyden myt al
Wente he en horet uicht in eren al
Men de myt en ſmeken v is en mede
V louet ſeer ere valſchen ſede
He kricht wol eyn leen vor eynē anderen
Ja . de nu iu der heren houe wanderen
Eyn ſelſen voghel manckt velen dyngen
De dar de warheyt wolde ſyngen
Wue mānich wo dar ſcholde varen
Syn gud in ſeer korten yaren
Dat tytlike gud he ſlymmer achte
V de ſele he beth be dachte
Men dorheyt der ghyricheyt he bruket
So lange en de doet vor ſluket
So hefu noch nicht den rechten ſum
Denne ot de koo den kouen vm
c5v
Des vngherechtē ſele wert dēne gheſchant
De motte v worm vretet er ghewant
De ru er ſuluer myt ſolker ghe ſchicht
Dee bringē ghe tuchnie vor godes gericht
Ouer ere groten vnmyldicheyt
Denne volghet en ſorge v alle leyt
Nicht hebbē ſe vor aen dat dyt is recht
Rykedom to holden alſen olten knecht
De grote rykedom vp der erd
Heft de de rykedom nicht be gherd