GW5053/B72
gw5053_stockholm_292_B2v
gw5053_stockholm_293_B3r
gw5053_stockholm_294_B3v
Her ghelympus is doet . vnde gud ghelad
De narre de sw by dem oren had
Schuddet se . dat er de sw klocke klynckt
De sw heft nu alleyn den dantz
Se holt dat narrenschyp by dem swantz
Dat yd nicht vndergha van sweer
Dat doch groet schade vp erden weer
Wo eyn narre nu nicht druncke wyn
He meende he konde nicht mede syn
Auer de sw brynget nu vele yungen
De vnkloke rad heft wyszheyt vordrungen
By dat bret kan nu komen neyn
De sw drecht nu de krone alleyn
De nu de swklocken wol luden kan
De mod ok syn tovoren dar an
De nu kan dryuen solk eyn werck
Alze dreeff de pape van deme kalenberch
Edder monnyk Eylsam myt fynem bard
De menet he do eyne gude fard
Mannich de drift solke wyse vnde worde
gw5053_stockholm_295_B4r
De doch was aller synnen an
He spreke yd hedde neen synniger ghedaen
¶ Der super dorp ist worden blynt
Dat maket dat buren druncken synt
Her Elrekuntz den vordantz hath
Myt vnlympicheyt vnde selden sath
Menet doch in synem synne yo
Wo he yd gantz wol kone alzo
Vnde yd steyt eme ok ghar wol an
Wo vnklock he syk doch stellen kan
Em duncket in synem grouen mod
Jd sy yo altosamende gud
Vnde blyuen vele in der grouen wysz
Stellen dar na myt gantzem prysz
Menen men schole se ok groet romen
Eyn yslyk narre wyl suwerck dryuen
Dat men eme lathe de bussen blyuen
De men vmmevoret myt ezelssmalt
Eyn deme anderen de busse tohalt
Eyn yslyk wyl dar denne in grypen
gw5053_stockholm_296_B4v
Vnde smeren dar mede syne sackpypen
Men holt nu grofheyt vor gude sede
Vnde wonet in yslykem huse mede
Dat men nicht vele vornuft mer dryuet
Wat men ok redet edder schryuet
Dat is al vth der bussen ghenomen
Vor vth wan brasserers tosamende komen
So heuet de sw de metten an
De prime is van sunte grouyan
De syngen se tomalen schon
De tercie tyd ist in ezelsdon
Hoetmaker knechte syngen de sext
Van grouen vylten is de text
De rokeloze raed syth in der nonen
Slomer vnde domer dar to komen
Dar na de sw to der vesper klynget
Vnflat vnde schamperyon dan synget
Denne wert syk maken de complet
Wan men al vul ghesungen heth
Myt ezelssmalte se to besmeren tengen
Myt der sw smalte se dat vormengen
Dat strickt eyn gheselle dem anderen an
gw5053_stockholm_297_B5r
Den he wyl in de selschop han
De woeste wyl syn vnde dat nicht kan
Men schonet nicht god noch yennigen man
Men schonet nicht erbarheyt efte recht
Van allen bysteren dyngen men secht
Dede kan alder schamperst syn
Ja . deme but men eyn glas myt wyn
Vnde lachet syn . dat dat husz mach wagen
Men byddet en . dat he dat noch eyns sage
Men sprickt . dat ist eyn guder swanck
Dar mede wert vns de tyd nicht lanck
Eyn narre schryet den anderen an
Wes gud gheselle vnde vrolych man
Kanstu ok wol brassen . sloͤmen doͤmen dar by
Wat fraude vp erden hadden sus wy
Wan wy nicht gude ghesellen weren
Laet vns syn vrolich . schryen . vnde brasseren
Wy hebben klene tyd hir vp erde
Dat vns de sulue to leue doch werde
Dan de des dodes steruet . de liid
Vnde heft dar na nene vrolyke tyd
Wy hebben van nenem noch ne vornomen
gw5053_stockholm_298_B5v
De van der helle sy wedderghekomen
De vns doch sede . wo yd dar stunde
Gude selschop driuen . is nene sunde
De papen hebben doch seltzene rede
Se plegen to straffen vnse sede
Were yd so sunde alse se vns schriuen
So deden se nicht dat sulue driuen
Wan nicht de pape van dem duuel sede
De herde van den wuluen . nicht klagede sine lede
So hadden se beyde nicht dar van
Myt solker rede narren vmmeghan
Vnde doͤn myt erem grouen spot
Alle werlt schenden . vnde ock got
Men scholde alsodanen grouen knodast
By henden vnde voͤten bynden vast
Bryngen en vp den slypsteyn ouer dwers
Vnde slypen em so myt macht den ers
Slypen to degen sodan grouen kyl
So lange men mochte ghan eyne myl
Ock wol ghedreuen myt eyneme bantstaken
Vnde so de grofheyt behende maken
GW5053/B72
gw5053_stockholm_292_B2v
gw5053_stockholm_293_B3r
gw5053_stockholm_294_B3v
Her ghelympus is doet . v gud ghelad
De narre de ſw by dem oren had
Schuddet ſe . dat er de ſw klocke klynckt
V ſe den moringer em ſynckt
De ſw heft nu alleyn den dantz
Se holt dat narren ſchyp by dem ſwantz
Dat yd nicht vnder gha van ſweer
Dat doch groet ſchade vp erden weer
Wo eyn narre nu nicht druncke wyn
He meende he konde nicht mede ſyn
Auer de ſw brynget nu vele yungen
De vnkloke rad heft wyßheyt vordrūgen
By dat bret kan nu komen neyn
De ſw drecht nu de krone alleyn
De nu de ſwklocken wol luden kan
De mod ok ſyn to voren dar an
De nu kan dryuen ſolk eyn werck
Alze dreeff de pape vā deme kalēberch
Edder mōnyk Eylſam myt fynem bard
De menet he do eyne gude fard
Mānich de drift ſolke wyſe v worde
Wan de Horees ſeghe v horde
gw5053_stockholm_295_B4r
De doch was aller ſynnen an
He ſpreke yd hedde neen ſynniger ghedaen
¶ Der ſuper dorp i worden blynt
Dat maket dat buren druncken ſynt
Her Elrekuntz den vordantz hath
Myt vnlympicheyt v ſelden ſath
Menet doch in ſynem ſynne yo
Wo he yd gantz wol kone alzo
V yd eyt eme ok ghar wol an
Wo vnklock he ſyk doch ellen kan
Em duncket in ſynem grouen mod
Jd ſy yo alto ſamende gud
V blyuen vele in der grouen wyß
Stellen dar na myt gantzem pryß
Menen men ſchole ſe ok groet romen
So is dan ghelympus dar nicht ghekomē
Eyn yſlyk narre wyl ſuwerck dryuen
Datmen eme lathe de buen blyuen
De men vmme voret myt ezels ſmalt
Eyn deme anderen de bue to halt
Eyn yſlyk wyl dar denne in grypen
gw5053_stockholm_296_B4v
V ſmeren dar mede ſyne ſackpypen
Men holt nu grofheyt vor gude ſede
V wonet in yſlykem huſe mede
Datmen nicht vele vor nuft mer dryuet
Watmen ok redet edder ſchryuet
Dat is al vth der buen ghenomen
Vor vth wan braerers to ſamēde komen
So heuet de ſw de metten an
De prime is van ſunte grouyan
De ſyngen ſe to malen ſchon
De tercie tyd i in ezels don
Hoetmaker knechte ſyngen de ſext
Van grouen vylten is de text
De rokeloze raed ſyth in der nonen
Slomer v domer dar to komen
Dar na de ſw to der veſper klynget
Vnflat v ſchamperyon dan ſynget
Denne wert ſyk maken de cōplet
Wan men al vul gheſungen heth
Myt ezels ſmalte ſe to beſmeren tengen
Myt der ſw ſmalte ſe dat vor mengen
Dat rickt eyn gheſelle dem anderen an
gw5053_stockholm_297_B5r
Den he wyl in de ſelſchop han
De woee wyl ſyn v dat nicht kan
Men ſchonet nicht god noch yēnigen man
Men ſchonet nicht erbarheyt efte recht
Van allen byeren dyngen men ſecht
Dede kan alder ſchamper ſyn
Ja . deme but men eyn glas myt wyn
V lachet ſyn . dat dat huß mach wagen
Men byddet en . dat he dat noch eyns ſage
Men ſprickt . dat i eyn guder ſwanck
Dar mede wert vns de tyd nicht lanck
Eyn narre ſchryet den anderen an
Wes gud gheſelle v vrolych man
Kanu ok wol braē . ſloͤmē doͤmē dar by
Wat fraude vp erden hadden ſus wy
Wan wy nicht gude gheſellen weren
Laet vns ſyn vrolich . ſchryen . v braerē
Wy hebben klene tyd hir vp erde
Dat vns de ſulue to leue doch werde
Dan de des dodes eruet . de liid
V heft dar na nene vrolyke tyd
Wy hebbē vā nenem noch ne vornomen
gw5053_stockholm_298_B5v
De van der helle ſy wedder ghe komen
De vns doch ſede . wo yd dar unde
Gude ſelſchop driuen . is nene ſunde
De papen hebben doch ſeltzene rede
Se plegen to raffen vnſe ſede
Were yd ſo ſunde alſe ſe vns ſchriuen
So deden ſe nicht dat ſulue driuen
Wan nicht de pape van dem duuel ſede
De herde vā den wuluē . nicht klagede ſine le
So haddē ſe beyde nicht dar van (de
Myt ſolker rede narren vmme ghan
V doͤn myt erem grouen ſpot
Alle werlt ſchenden . v ock got
Men ſcholde alſodanē grouen knoda
By henden v voͤten bynden va
Bryngen en vp den ſlypeyn ouer dwerſ
V ſlypen em ſo myt macht den erſ
Slypen to degen ſodan grouen kyl
So lange men mochte ghan eyne myl
Ock wol ghedreuē myt eyne bantakē
V ſo de grofheyt behende maken