GW5053/B77
gw5053_stockholm_322_D5v
gw5053_stockholm_323_D6r
¶ Noch brynge ik narryscher narren vyl
De alle er vraude hebben in deme spyl
Menen se konen sus nicht leuen
Wan se syk nicht tom spele gheuen
Dach vnde nacht spelen vnde rassen
Myt karden . worpelen vnde myt brassen
De gantze nacht sus vth gheseten
Nicht gheslapen ok nicht ghegeten
Dat spyl sued men vrolich an
Men drinckent mod dar yo by stan
Sus wert de tyd henne bracht
Den dach ghekeret in der nacht
Dar mannich afwert dorde vnde dul
Vnde kricht in korter tyd den schrul
De eyne sued gantz duncker hir vor
De ander spyet achter de doer
De drydde eyne ferwe heft anghenomen
Eft he sy kortes vth deme graue komen
Edder schynt in deme antlate recht
Alze vor dage deyt eyn smede knecht
Se ethen nicht weynich . men se drincken wol
Spyen vnde schyten alle wynckel vul
gw5053_stockholm_324_D6v
Ok vp der gatzen . hir vnde dort
Ja . wachte dy wol vp gennem ort
Dar mostu gantz nauwe to seen
Wultu de voͤte beholden reyn
By dessen teken machstu weten
Wor se des nachtes hebben gheseten
Konen se nicht setten eyn ander pant
So vynstu er merck sus by der want
¶ De duuel heft sus wechter vyl
De waken de nacht vth by deme spyl
Scholde yemant van dessen eyne stunde waken
Jn der predekye . dat scholde syk nicht maken
He scholde dem prediker vaken wencken
Myt synen hoͤuede . dat mannich mach dencken
Dat he dem prediker wyset an
Dat he syne worde hebbe wol vorstan
Ok mochte de prediker daryegen dencken
Wat heft de narre my sus to wencken
Menet he ock dat ik nu recht
Al ennoch dar van hebbe ghesecht
Dat ik der lere nu schole vortyen
Vnde sluten recht nu desse predekyen
gw5053_stockholm_325_E1r
¶ Men vyndet der narrynnen ok nu vyl
De ghan mede sytten to deme spyl
Sodane narrynnen hebben kleyne eer
Spelen se sus . ya se spelen wol meer
Eyne vrouwe de syk nicht en schemet
Ja . mannes werck vnde spyl annemet
De heft er ere bewaret so recht
Alse eyn de water in dem korue drecht
Vrouwen scholen spynnen . neyen vnde werken
Vnde er ere myt doͤgeden sterken
Spelen . karden . rassen . spade vnde vro
Dat en horet nenen vrouwen to
Men de deme duuel denen gans
Worptafel is des duuels boek
Dar ynne is mannich narre kloek
Des duuels tyde se dar vth lesen
Wan se in godes denst scholden wesen
Vorsumen godes denst vnde wegen den gherinck
Men dat spyl gheyt vor alle dynck
Wor de spelres to spele ghan
Dar seth syk de duuel bouen an
gw5053_stockholm_326_E1v
Kyuen . vloken vnde vnrechticheyt
Dat horet men dar . ok mannigen eyd
Desse narren honspraken ok vaken god
Vnde holden dar to syne hylgen to spot
Se bryngen so wech de eddelen tyd
Vnde werden der ere vnde gudes quyd
De sus dat spyl vor eynen afgod kust
Dar vmme mannich lyff vnde sele vorlust
De spelre spreken van sundigen dyngen
Des duuels loff se vaken syngen
Jn boͤszheyt synt se wysz vnde kloek
Wortafel is des duuels tyde boek
Dat botzelspyl . is dat gradual
Dat kardenspyl . des duuels diornal
De weerd heft vette kroppe dar van
De sodane tydeboeke holden kan
Worpele . wyn . beer . is dar bestelt
De weerd mod hebben rasselghelt
Dat is des duuels offer recht
Dat sammelt he em . alze eyn truwe knecht
He sprickt . dar mot men lychte vorhalen
Ok mot men appel vnde noͤthe betalen
gw5053_stockholm_327_E2r
Dar kumpt to spele mannich arm wycht
Dem se den budel maken lycht
De sus wol worde eyn fyner man
De mod denne vor eynen narren ghan
Mannich van den eynen handel ansleyt
Dar vmme he eyne halue reyse gheyt
Edder wert in twyfel eynes boddels knecht
Vnde schendet alzo syn gantze gheslecht
¶ We kan den papen de narrenkap nemen
De syk ok nicht des spelendes schemen
Jd mach wol eyns narren sake wesen
Wan papen des duuels tyde mede lesen
Wan leyen van papen vntucht seen
So spreken se denne intghemeen
Seed . is dyt nicht eyn gheystlyk man
Wo seth de synen orden an
Wor de abbet de worpele drecht
Dar mogen monnyke dobbelen myt recht
Spyl is gantz nicht ane sunde
De spelre synt nicht godes frunde
gw5053_stockholm_328_E2v
GW5053/B77
gw5053_stockholm_322_D5v
gw5053_stockholm_323_D6r
¶ Noch brynge ik narryſcher narrē vyl
De alle er vraude hebbē in deme ſpyl
Menen ſe konen ſus nicht leuen
Wan ſe ſyk nicht tom ſpele gheuen
Dach v nacht ſpelen v raen
Myt karden . worpelen v myt braen
De gantze nacht ſus vth gheſeten
Nicht gheſlapen ok nicht ghegeten
Dat ſpyl ſuedmen vrolich an
Men drinckent mod dar yo by an
Sus wert de tyd hēne bracht
Den dach ghekeret in der nacht
Dar mānich afwert dorde v dul
V kricht in korter tyd den ſchrul
De eyne ſued gantz duncker hir vor
De ander ſpyet achter de doer
De drydde eyne ferwe heft an ghenomē
Eft he ſy kortes vth deme graue komen
Edder ſchynt in deme antlate recht
Alze vor dage deyt eyn ſmede knecht
Se ethē nicht weynich . men ſe drinckē wol
Spyen v ſchyten alle wynckel vul
gw5053_stockholm_324_D6v
Ok vp der gatzen . hir v dort
Ja . wachte dy wol vp gennem ort
Dar mou gantz nauwe to ſeen
Wultu de voͤte beholden reyn
By deen teken machu weten
Wor ſe des nachtes hebben gheſeten
Konen ſe nicht ſetten eyn ander pant
So vynu er merck ſus by der want
¶ De duuel heft ſus wechter vyl
De waken de nacht vth by deme ſpyl
Scholde yemāt vā deen eyne ūde wakē
Jn der predekye . dat ſcholde ſyk nicht makē
He ſcholde dem prediker vaken wencken
Myt ſynē hoͤuede . dat mānich mach dēckē
Dat he dem prediker wyſet an
Dat he ſyne worde hebbe wol vor an
Ok mochte de prediker dar yegen dencken
Wat heft de narre my ſus to wencken
Menet he ock dat ik nu recht
Al en noch dar van hebbe gheſecht
Dat ik der lere nu ſchole vor tyen
V ſluten recht nu dee predekyen
gw5053_stockholm_325_E1r
¶ Men vyndet der narrynnē ok nu vyl
De ghan mede ſytten to deme ſpyl
Sodane narrynnē hebbē kleyne eer
Spelen ſe ſus . ya ſe ſpelen wol meer
Eyne vrouwe de ſyk nicht en ſchemet
Ja . mānes werck v ſpyl an nemet
De heft er ere bewaret ſo recht
Alſe eyn de water in dem korue drecht
Vrouwē ſcholē ſpynnē . neyen v werken
V er ere myt doͤgeden erken
Spelen . karden . raen . ſpade v vro
Dat en horet nenen vrouwen to
Jd doen ock nene kriene manſ
Men de deme duuel denen ganſ
Worptafel is des duuels boek
Dar ynne is mānich narre kloek
Des duuels tyde ſe dar vth leſen
Wan ſe in godes den ſcholden weſen
Vor ſumē godes den v wegē dē gherinck
Men dat ſpyl gheyt vor alle dynck
Wor de ſpelres to ſpele ghan
Dar ſeth ſyk de duuel bouen an
gw5053_stockholm_326_E1v
Kyuen . vloken v vnrechticheyt
Dat horetmen dar . ok mānigen eyd
Dee narren honſpraken ok vaken god
V holden dar to ſyne hylgen to ſpot
Se bryngen ſo wech de eddelē tyd
V werden der ere v gudes quyd
De ſus dat ſpyl vor eynen afgod ku
Dar vmme mānich lyff v ſele vor lu
De ſpelre ſpreken van ſundigen dyngen
Des duuels loff ſe vaken ſyngen
Jn boͤßheyt ſynt ſe wyß v kloek
Wortafel is des duuels tyde boek
Dat botzelſpyl . is dat gradual
Dat karden ſpyl . des duuels diornal
De weerd heft vette kroppe dar van
De ſodane tyde boeke holden kan
Worpele . wyn . beer . is dar beelt
De weerd mod hebben rael ghelt
Dat is des duuels offer recht
Dat ſāmelt he em . alze eyn truwe knecht
He ſprickt . dar motmen lychte vor halē
Ok motmen appel v noͤthe betalen
gw5053_stockholm_327_E2r
Dar kumpt to ſpele mānich arm wycht
Dem ſe den budel maken lycht
De ſus wol worde eyn fyner man
De mod dēne vor eynen narren ghan
Mānich vā den eynen handel anſleyt
Dar vmme he eyne halue reyſe gheyt
Ed wert in twyfel eynes boddels knecht
V ſchendet alzo ſyn gantze gheſlecht
¶ We kan den papen de narrēkap nemen
De ſyk ok nicht des ſpelendes ſchemen
Jd mach wol eyns narrē ſake weſen
Wan papen des duuels tyde mede leſen
Wan leyen van papen vntucht ſeen
So ſpreken ſe denne int ghemeen
Seed . is dyt nicht eyn gheylyk man
Wo ſeth de ſynen orden an
Wor de abbet de worpele drecht
Dar mogē mōnyke dobbelē myt recht
Spyl is gantz nicht ane ſunde
De ſpelre ſynt nicht godes frunde
gw5053_stockholm_328_E2v