GW5053/B79
gw5053_stockholm_331_E4r
gw5053_stockholm_332_E4v
¶ Schriuer vnde ruter tohope hir stad
Se horen mede in der narren rad
Se beghan syk scher myt ghelyker nar
De eyne schyndet hemelich . de ander openbar
De waget syn lyff in droge vnde nath
De ander syne sele in dem blackhorn had
Wo de ruter dat ok vmme drift
Vnde wo de schriuer den item schrift
De kopman vnde de arme bur
Den ere nerynge wert gantz sur
De moͤten dat int leste betalen
Ja yd is alleyns wor se dat halen
Wan yslyk deyt recht wat he schal
So steyt yslykem ok syn ampt wol
So weren se beyde geldes werd
Desse myt der fedderen . de ander myt dem swerd
Wan se vpborent nicht woghen so licht
So mochte men er beyde entberen nicht
Mannich narre vp deme sadel syth
Recht vnde wyszheyt vaken vorghyth
De syk des rydendes sus ernerd
Vnde vaken rechticheyt vorkerd
gw5053_stockholm_333_E5r
Vnde stellen vaken eren narrensyn
Vp egen hoͤuet vnde eghen ghewyn
De synt int narrenschyp mede dacht
Se moten suluen vthgheuen de fracht
¶ Schriuer vnde glytzener synt ok vyl
De dryuen nu wylt ruterspyl
Vnde neren syk kort vor der hant
Ghelyk wo de reyseknecht vp deme lant
Jd is werlyk in desseme lande
Eyne sunderlyke grote schande
Dat men de strate nicht leth bewaren
Dat koplude . pelegrymen seker varen
Men sprickt dat gheleyde is vast gud
Dar an hebbe nenen twyfel mod
Mannich dem suluen denne ghelouet
Vnde wert alzo yammerlyken berouet
Kumpt dar na dat syck god erbarm
Dat he mod ewich blyuen arm
Se synt narren de dyt nicht enkeren
Wor vmme schal men se nomen heren
Moͤten doch vor desse dynck . kleyn vnde grod
Antwort geuen na ereme doet
GW5053/B79
gw5053_stockholm_331_E4r
gw5053_stockholm_332_E4v
¶ Schriuer v ruter to hope hir ad
Se horen mede in der narren rad
Se be ghan ſyk ſcher myt ghelyker nar
De eyne ſchyndet hemelich . de an opēbar
De waget ſyn lyff in droge v nath
De ander ſyne ſele in dem blackhorn had
Wo de ruter dat ok vmme drift
V wo de ſchriuer den item ſchrift
De kopman v de arme bur
Den ere nerynge wert gantz ſur
De moͤten dat int lee betalen
Ja yd is alleyns wor ſe dat halen
Wan yſlyk deyt recht wat he ſchal
So eyt yſlykem ok ſyn ampt wol
So weren ſe beyde geldes werd
Dee myt fedderen . de an myt dē ſwerd
Wan ſe vp borent niht woghen ſo licht
So mochtemen er beyde entberen nicht
Mannich narre vp deme ſadel ſyth
Recht v wyßheyt vaken vor ghyth
De ſyk des rydēdes ſus ernerd
V vaken rechticheyt vorkerd
gw5053_stockholm_333_E5r
V ellen vaken eren narren ſyn
Vp egen hoͤuet v eghen ghewyn
De ſynt int narren ſchyp mede dacht
Se moten ſuluen vth gheuen de fracht
¶ Schriuer v glytzener ſynt ok vyl
De dryuen nu wylt ruter ſpyl
V neren ſyk kort vor der hant
Ghelyk wo de reyſeknecht vp deme lant
Jd is werlyk in deeme lande
Eyne ſunderlyke grote ſchande
Datmen de rate nicht leth bewaren
Dat koplude . pelegrymen ſeker varen
Men ſprickt dat gheleyde is va gud
Dar an hebbe nenen twyfel mod
Mānich dem ſuluen dēne ghelouet
V wert alzo yāmerlyken berouet
Kumpt dar na dat ſyck god erbarm
Dat he mod ewich blyuen arm
Se ſynt narren de dyt nicht enkeren
Wor vmme ſchalmen ſe nomen heren
Moͤtē doch vor dee dynck . kleyn v grod
Antwort geuen na ereme doet