GW5053/B82
gw5053_stockholm_339_F2r
gw5053_stockholm_340_F2v
¶ De buren eyntfalt ychteswan waren
Nyelyk in kort vorgangen yaren
Gherechticheyt was by den buren
Se woneden nicht gern in steden efte muren
Men in klenen husen wolden se syn
Er dan de buren druncken wyn
Deme swalge hebben se nu ghedan hulde
Steken syk dar myt in grote schulde
Wowol er korn vnde ware wol ghylt
Eyn deel doch nicht betalen wylt
Anders men selden betalynge kricht
Dan myt banne edder ghericht
Dat is de wyse in ouerlant
De bur wyl dragen engels want
Syne gantze macht he dar an leyt
Vnde leth tohacken dat sulue kleyt
Myt velen verwen . wylt ouer wylt
Vnde vp deme arme eynes geckes schylt
Dat statvolck nu van buren lerd
gw5053_stockholm_341_F3r
Wo yd in boͤszheyt wert ghemerd
Vele beschyt kumpt van en . alle stunde
Se hebben alle dage nye vunde
Eyn deel de werden ok gantz ryck
Holden korn vnde ander ware hyndersyck
Vnde sus vp dure tyd dat stelt
Wyllen nicht vorkopen vmme mogelyk gelt
Maken vnder syk dat suluen duer
So vorbrant yd vaken in deme vuer
Des ghelyk by vnsen tyden ock
Jst vpghestan mannich ghoek
Was eyn kopman . efte der borger eyn
Wyl nu rytter syn. efte eddel ghesen
¶ De eddele begheret eynes heren grad
De greue eynes vorstlyken stad
De vorste des konninges krone begherd
Vele werden rydder de nummer neen swerd
Bruken . vmme der rechtferdicheyt
De buren dragen sydene kleyt
Vnde guldene keden an dem lyff
Jd kumpt dar her eynes borgers wyff
Vele stolter dan eyn grefynne doet
gw5053_stockholm_342_F3v
Wo scholde yd yummer werden gud
Dat mach syk eyn borger wol myt nemen an
Wan ik hir nome eynen buresman
Homod vnde ok ouerdad
Dar vth kumpt leyder vele quad
He wert se nemen in synen schoet
Eyne dorynne maket ander teyne
So wert denne nye homod ghemeyne
Den ryken mach men dat nicht vorwyten
Wo doch se dar myt . eyn heel lant beschyten
De adel heft neen vordel meer
Men vyndet eyns hantwerkesmannes wyff
De beter werd drecht an ereme lyff
Van . rock . rinck . mantel . borden smal
Wan se in deme huse heft . oueral
Dar mede vorderuet mannich man
De in syn older mod bedelen ghan
Kricht se de nyen stucke denne . al vnde heel
So komen se doch tohantes feyl
De heren wyllen hebben tyns efte pacht
gw5053_stockholm_343_F4r
So heft de homod denne gude nacht
De an den klederen efte klenoͤden isz
Men in dem herten blyft he noch ghewysz
Nemant wyl nu van othmode horen
Des is de gantze werlt vul doren
Vnde alle dage yo mere narheyt leren
Nemant dencket we syne vorolderen weren
Dar vmme mach ik werlich spreken
De drespytze mod in deme sacke steken
GW5053/B82
gw5053_stockholm_339_F2r
gw5053_stockholm_340_F2v
¶ De buren eyntfalt ychteſwā waren
Nyelyk in kort vorgangen yaren
Gherechticheyt was by den buren
Se wonedē nicht gern in eden efte muren
Men in klenen huſen wolden ſe ſyn
Er dan de buren druncken wyn
Deme ſwalge hebbē ſe nu ghedan hulde
Steken ſyk dar myt in grote ſchulde
Wo wol er korn v ware wol ghylt
Eyn deel doch nicht betalen wylt
Anders men ſelden betalynge kricht
Dan myt bāne edder ghericht
Dat is de wyſe in ouer lant
De bur wyl dragen engels want
Syne gantze macht he dar an leyt
V leth to hacken dat ſulue kleyt
Myt velen verwen . wylt ouer wylt
V vp deme arme eynes geckes ſchylt
Dat at volck nu van buren lerd
gw5053_stockholm_341_F3r
Wo yd in boͤßheyt wert ghemerd
Vele beſchyt kūpt vā en . alle unde
Se hebbē alle dage nye vunde
Eyn deel de werden ok gantz ryck
Holden korn v ander ware hynderſyck
V ſus vp dure tyd dat elt
Wyllen nicht vork opē ve mogelyk gelt
Maken vnder ſyk dat ſuluen duer
So vor brant yd vaken in deme vuer
Des ghelyk by vnſen tyden ock
J vp ghean mānich ghoek
Was eyn kopman . efte der borger eyn
Wyl nu rytter ſyn. efte eddel gheſen
¶ De eddele begheret eynes heren grad
De greue eynes vorlyken ad
De vore des kōninges krone begherd
Vele werden rydder de nūmer neen ſwerd
Bruken . vmme der rechtferdicheyt
De buren dragen ſydene kleyt
V guldene keden an dem lyff
Jd kumpt dar her eynes borgers wyff
Vele olter dan eyn grefynne doet
gw5053_stockholm_342_F3v
Wo ſcholde yd yūmer werden gud
Dat mach ſyk eyn borger wol myt nemē an
Wan ik hir nome eynen bures man
Homod v ok ouerdad
Dar vth kumpt leyder vele quad
Lucifers kynder . ſynt noch nicht al doet
He wert ſe nemen in ſynen ſchoet
Eyne dorynne maket ander teyne
So wert denne nye homod ghemeyne
Den ryken machmen dat nicht vorwyten
Wo doch ſe dar myt . eyn heel lant beſchytē
Lucifers homod waet ſo ſeer
De adel heft neen vordel meer
Men vyndet eyns hantwerkes mānes wyff
De beter werd drecht an ere lyff
Van . rock . rinck . mantel . borden ſmal
Wan ſe in deme huſe heft . ouer al
Dar mede vor deruet mānich man
De in ſyn older mod bedelen ghan
Kricht ſe de nyen ucke denne . al v heel
So komen ſe doch to hantes feyl
De heren wyllen hebbē tyns efte pacht
gw5053_stockholm_343_F4r
So heft de homod denne gude nacht
De an den klederen efte klenoͤden iß
Men in dem hertē blyft he noch ghewyß
Nemant wyl nu van othmode horen
Des is de gantze werlt vul doren
V alle dage yo mere narheyt leren
Nemāt dencket we ſyne vorolderē weren
Dar vmme mach ik werlich ſpreken
De dreſpytze mod in deme ſacke eken