GW5053/B83
gw5053_stockholm_343_F4r
gw5053_stockholm_344_F4v
gw5053_stockholm_345_F5r
Men rykedom de sele seer beswerd
Vele gudes brynget hogen mod
Dar vmme mannich kumpt in der hellen gloed
Vele ryken achten de armen kleen
Jodoch scholen se yd in warheyt seen
Wo grod se werden van gode gheerd
So wan mannich ryke ouel verd
Dede vp gelt seer vlytet syck
De dencket wo he draden werde ryck
Vnde heft dar by nene fraude noch mod
He is eyn narre de so sammelt gud
Vnde weed nicht wem he solkes spard
So wan he ouer de lanckbrugge fard
Vnde dar vmme rekenschop geuen mod
De mer dan gylt wan hant vnde vod
Mannich in sunden gud ghewynt
Dar vmme he in der hellen brent
Syne eruen achten dat gantz kleyn
Se hulpen eme nicht myt eynem steyn
Achab leed nicht benoͤgen syck
Myt synem gantzen konninckryck
He wolde ok Nabots garden han
gw5053_stockholm_346_F5v
Dar vmme moste steruen de arm vrom man
Alleyn de arme mod in den sack
Wat ghelt ghyft . heft eynen guden smack
¶ Myt den armen wert dat recht ghesterket
Vp der ryken broͤke wert nicht ghemerket
Noch weren mer doͤgede sus vp erde
Wan men nicht gelt so ghyrygen begerde
Armod de is eyn ghaue van got
Wowol he is der werlde spot
Epaminundas . strenge vnde slecht
Des ghelyck Quintus Curius
Wan rykedom scholde syn dat best
Eyn ryke man is eyn selsene gast
Jn deme hemmele . dat loͤuet vast
De worde staen doch gans vnlyck
Dat gelt eynen schal heten ryck
gw5053_stockholm_347_F6r
Dat in warheyt so nicht en is
Dat mach eyn yslyk louen wys
De vele wyszheyt vnde doͤget kan
De is eyn war ryke man
Mannich heft hir gelt vnde gud
Vnde is doch eyn narre in der hud
He hadde vor gode vele groteren prysz
Were he hir arm . vnde dar by wysz
¶ Tytlyk gud schal men holden recht
Alse eynen vnderdanigen horsamen knecht
Vnde setten syn herte nicht dar an
So mach men myt gode in fruntschop stan
Vnde doen dar van den armen gud
De ryke den hemmel sus kopen mod
De desse rede nicht recht wyl vorstaen
De mod myt den narren to schepe ghaen
GW5053/B83
gw5053_stockholm_343_F4r
gw5053_stockholm_344_F4v
gw5053_stockholm_345_F5r
Men rykedom de ſele ſeer beſwerd
Vele gudes brynget hogen mod
Dar ve mānich kūpt in der hellē gloed
Vele ryken achten de armen kleen
Jodoch ſcholen ſe yd in warheyt ſeen
Wo grod ſe werdē van gode ghe erd
So wan mānich ryke ouel verd
Dede vp gelt ſeer vlytet ſyck
De dencket wo he draden werde ryck
V heft dar by nene fraude noch mod
He is eyn narre de ſo ſāmelt gud
V weed nicht wem he ſolkes ſpard
So wan he ouer de lanckbrugge fard
V dar ve rekenſchop geuen mod
De mer dan gylt wan hant v vod
Mānich in ſunden gud ghewynt
Dar vmme he in der hellen brent
Syne eruen achten dat gantz kleyn
Se hulpen eme nicht myt eynem eyn
Achab leed nicht benoͤgen ſyck
Myt ſynem gantzen kōninckryck
He wolde ok Nabots garden han
gw5053_stockholm_346_F5v
Dar vmme moe eruen de arm vrō man
Alleyn de arme mod in den ſack
Wat ghelt ghyft . heft eynen guden ſmack
¶ Myt den armē wert dat recht gheerket
Vp ryken broͤke wert nicht ghemerket
Noch weren mer doͤgede ſus vp erde
Wan men nicht gelt ſo ghyrygen begerde
Armod de is eyn ghaue van got
Wo wol he is der werlde ſpot
Ariides was arm v gherecht
Epaminūdas . renge v ſlecht
Homerus was arm v ghelerd
Jn wyßheyt Socrates ghe erd
Des ghelyck Quintus Curiuſ
V de lofwerdyghe Fabriciuſ
Wan rykedom ſcholde ſyn dat be
Crius vere nicht de armee ghewe
Eyn ryke man is eyn ſelſene ga
Jn deme hēmele . dat loͤuet va
De worde aen doch gans vnlyck
Dat gelt eynen ſchal heten ryck
gw5053_stockholm_347_F6r
Dat in warheyt ſo nicht en iſ
Dat mach eyn yſlyk louen wyſ
De vele wyßheyt v doͤget kan
De is eyn war ryke man
Mānich heft hir gelt v gud
V is doch eyn narre in der hud
He hadde vor gode vele groteren pryß
Were he hir arm . v dar by wyß
¶ Tytlyk gud ſchalmen holden recht
Alſe eynen vnderdanigē horſamē knecht
V ſetten ſyn herte nicht dar an
So machmen myt gode in frūtſchop an
V doen dar van den armen gud
De ryke den hēmel ſus kopen mod
De dee rede nicht recht wyl voraen
De mod myt den narren to ſchepe ghaen