GW5053/B85
gw5053_stockholm_351_G2r
gw5053_stockholm_352_G2v
¶ De synt in narheyt gantz vorblynt
Ja . alle de leuendich vp erden synt
Syk nicht bereyden vp den doet
Wente dat vorwaer yo wesen mod
Wy wetent vnde ist vns wol kunt
Dat vns ghesettet is de stunt
Wy weten nicht wo . eft yd schal wesen schyr
De doet leet ne nemande hir
Wy steruen al . vnde vleten hyn
Deme water ghelyk to der erden in
He is in narheyt seer vorkeret
De nicht bytyden steruen leret
De wynkoep is alzo gheghaen
Deme kope kone wy nicht affstaen
O doet wo starck is dyn ghewalt
Wente du henne nympst beyde yunck vnde alt
O doet wo ghar hart is dyn naem
Deme adel . ghewalt vnde hogem stam
Vor vth deme . de syne fraude vnde mod
Alleyne seth vp tytlyk gud
He is eyn narre de al den dach
Wyl em entwyken . doch nicht en mach
gw5053_stockholm_353_G3r
Menet wan he syne orklocken roͤget
Dat syk de doet deme van eme boͤget
Wo mannich syn ghemoͤthe alzo weget
Vnde syk vp syne yoͤget dreget
Der kalffelle vynt men meer to kope
Wan ossenhude . na deme menen lope
Der guden doet god seer begherd
Der boͤzen doet is gantz vnwerd
Dorch den doet ghan de guden draden
Alze dorch eyne doer in godes gnaden
Men wan de doet de quaden besleyt
Denne ersten yd an eyn steruent gheyt
We we den in ereme ewygen elende
Nummer nympt er steruent eyn ende
¶ Vnghelyck . delet dat lucke lant vnde ryke
Men de doet maket dat al ghelyke
Alle mothen se dantzen in syneme reyen
Pawes . keyser . konninck . bysschop vnde leyen
De doet sendet vns nenen breff
He kumpt slyken recht so eyn deeff
gw5053_stockholm_354_G3v
¶ Myt narheyt is ok de voreynt
De vele vmme eynen doden weynt
Vnde vorgunnet eme syner row
Dar wy doch alle mothen to
¶ Mannich groter narre ist dar hyn
De sorge hadde aff der begencknysse syn
Vnde leyde dar an so groten gud
Dat yd noch mannigem wunder doet
Alze Mausula . eyne vrouwe de so heeth
Ereme manne eyn graff bereyden leeth
So vele kostede dat sulue graff
Dat men in allen landen dar wuste aff
Ok weren grauer in egyptenlant
De Pyramydes weren ghenant
Vorvth alze Cemnis makede eyn graff
Dar an he hengede syn gud vnde haff
Dar dremal hundert dusent man
Vnde sestich dusent werkeden an
De vmme krud ok gaf alzo vyl
(Der ander kost ik swygen wyl)
Nenen vorsten ik nu so ryke holde
gw5053_stockholm_355_G4r
De dat alleyne betalen scholde
Was dat nicht eyne grote dorheyt
Dat sodan groet gelt wart vthgheleyt
An grauere de men dar mochte seen
To vuleme aze vnde doden been
Eyn schoͤne graff yo anders nicht en is
Men eyn hus der worme dat is wys
Myt eynem schonen steen mannich dat maket
Dar de drecksack vnder lycht bedaket
Helm vnde schylt hanget bouen an
Ja . hir lycht begrauen eyn eddelman
So wert ghehauwen vp den steen
Ja . dat rechte wapen is eyn dodenbeen
Hauwe dat dar vp . so deystu recht
Vnde schriff du syst van Adams slecht
¶ So wan de doet vns halet vnde vorterd
Ghyrichlyken werden dre dynge begerd
De worme dat flesch . de duuel de sele
Vmme dat gud ghan de vrunde to dele
Wan dyt denne sus al wert berycht
Dat eyn yslyk syn eyne part kryckt
gw5053_stockholm_356_G4v
Dat holt he so vast . ane alle feyl
He gheue dat nicht vor de anderen twey deel
Krygen de worme dat flesch to dele
Se achten nicht des gudes . edder der sele
Wan de vrunde ok krygen dat gud
Achten kleyn . wat lyff vnde sele doet
Krycht de duuel de sele in beholt
Ja . gheue se nicht vor alle golt
He achtet ok nicht . wat de lycham deyt
Eyn narre is . de dyt nicht vorsteyt
Der sele helpet nicht eyn schone graff
Edder ander homod . dar men romet aff
Na deme dode . myt groteme baghe
Nicht gode . men der werlt to behaghe
De godes hulde hir vorwerft
De is ok salich wan he sterft
Syn graff vnde schylt is schon dar by
He lygge edder sterue . ok wor yd sy
GW5053/B85
gw5053_stockholm_351_G2r
gw5053_stockholm_352_G2v
¶ De ſynt in narheyt gantz vorblynt
Ja . alle de leuēdich vp erden ſynt
Syk nicht bereyden vp den doet
Wente dat vorwaer yo weſen mod
Wy wetent v i vns wol kunt
Dat vns gheſettet is de unt
Wy wetē nicht wo . eft yd ſchal weſen ſchyr
De doet leet ne nemande hir
Wy eruen al . v vleten hyn
Deme water ghelyk to der erden in
He is in narheyt ſeer vor keret
De nicht by tyden eruen leret
De wynkoep is alzo gheghaen
Deme kope kone wy nicht aff aen
O doet wo arck is dyn ghewalt
Wēte du hēne nymp beyde yūck v alt
O doet wo ghar hart is dyn naem
Deme adel . ghewalt v hogem am
Vor vth deme . de ſyne fraude v mod
Alleyne ſeth vp tytlyk gud
He is eyn narre de al den dach
Wyl em entwyken . doch nicht en mach
gw5053_stockholm_353_G3r
Menet wan he ſyne orklocken roͤget
Dat ſyk de doet deme van eme boͤget
Wo mānich ſyn ghemoͤthe alzo weget
V ſyk vp ſyne yoͤget dreget
Der kalffelle vyntmen meer to kope
Wan oen hude . na deme menen lope
Der guden doet god ſeer begherd
Der boͤzen doet is gantz vnwerd
Dorch den doet ghan de guden draden
Alze dorch eyne doer in godes gnaden
Men wan de doet de quaden beſleyt
Dēne eren yd an eyn eruent gheyt
We we den in ereme ewygen elende
Nūmer nympt er eruent eyn ende
¶ Vnghelyck . delet dat lucke lant v ryke
Men de doet maket dat al ghelyke
Alle mothen ſe dantzen in ſyneme reyen
Pawes . keyſer . kōninck . bychop v leyen
De doet ſendet vns nenen breff
He kumpt ſlyken recht ſo eyn deeff
gw5053_stockholm_354_G3v
¶ Myt narheyt is ok de vor eynt
De vele vmme eynen doden weynt
V vorgūnet eme ſyner row
Dar wy doch alle mothen to
¶ Mānich groter narre i dar hyn
De ſorge hadde aff der begencknye ſyn
V leyde dar an ſo groten gud
Dat yd noch mānigem wūder doet
Alze Mauſula . eyne vrouwe de ſo heeth
Ereme māne eyn graff bereyden leeth
So vele koede dat ſulue graff
Datmen in allen landen dar wue aff
Ok weren grauer in egypten lant
De Pyramydes weren ghenant
Vor vth alze Cemnis makede eyn graff
Dar an he hengede ſyn gud v haff
Dar dremal hundert duſent man
V ſeich duſent werkeden an
De vmme krud ok gaf alzo vyl
(Der ander ko ik ſwygen wyl)
Nenen voren ik nu ſo ryke holde
gw5053_stockholm_355_G4r
De dat alleyne betalen ſcholde
Was dat nicht eyne grote dorheyt
Dat ſodan groet gelt wart vth gheleyt
An grauere de men dar mochte ſeen
To vuleme aze v doden been
Eyn ſchoͤne graff yo anders nicht en iſ
Men eyn hus der worme dat is wyſ
Myt eynē ſchonē een mānich dat maket
Dar de dreck ſack vnder lycht be daket
Helm v ſchylt hanget bouen an
Ja . hir lycht begrauen eyn eddel man
So wert ghehauwen vp den een
Ja . dat rechte wapē is eyn doden been
Hauwe dat dar vp . ſo deyu recht
V ſchriff du ſy van Adams ſlecht
¶ So wan de doet vns halet v vorterd
Ghyrichlyken werden dre dynge begerd
De worme dat fleſch . de duuel de ſele
Vmme dat gud ghan de vrunde to dele
Wan dyt dēne ſus al wert berycht
Dat eyn yſlyk ſyn eyne part kryckt
gw5053_stockholm_356_G4v
Dat holt he ſo va . ane alle feyl
He gheue dat nicht vor de anderē twey deel
Krygen de worme dat fleſch to dele
Se achten nicht des gudes . edder ſele
Wan de vrunde ok krygen dat gud
Achten kleyn . wat lyff v ſele doet
Krycht de duuel de ſele in be holt
Ja . gheue ſe nicht vor alle golt
He achtet ok nicht . wat de lycham deyt
Eyn narre is . de dyt nicht voreyt
Der ſele helpet nicht eyn ſchone graff
Edder ander homod . dar men romet aff
Na deme dode . myt groteme baghe
Nicht gode . men der werlt to behaghe
De godes hulde hir vorwerft
De is ok ſalich wan he erft
Syn graff v ſchylt is ſchon dar by
He lygge edder erue . ok wor yd ſy