GW5053/B92
gw5053_stockholm_373_J1r
gw5053_stockholm_374_J1v
gw5053_stockholm_375_J2r
Dem wert tolesten nicht anders mere
Dan dat syn wan en heft bedrogen
So he buwet vp den regenboghen
Dede welfet vp eyne dennen suel
Deme wert in kort syn anslach fuel
Dede roem vnde wertlyke ere . hir begherd
De vormode syk nicht . dat em dort mer wert
Mannich narre holt syk groet vorhanden
Dar vmme he kumpt vth walschen landen
Vnde sach dar twey narren de gluren theen
Vnde dat he heft den rorapen gheseen
Vnde sy to scholen worden wysz
Tor hogen Seen in der Sapientz
Alze eft nicht ok in dudeschen landen
Were vornuft . synne yennigerhanden
Dar myt men wyszheyt . kunst mocht leren
Jd is neen noet so vern tor scholen keren
De nu wyl leren in synem lande
De vyndet nu boͤker mannigerhande
Dat neyn man mach entschuldigen syk
gw5053_stockholm_376_J2v
He wylle denne legen lesterlyk
Men meende ychteswan yd en were neen lere
Nu vynt men se ok in dudeschem lant
Vnde ghebrickt vns nicht . were nicht beer vnde wyn
Vnde mogen neen recht arbeyt doen
Wol deme dede heft eynen wysen soen
Jk achte nicht dat men heft . kunst vnde syn
Annstelle dar mede na homodigem ghewyn
Vnde menet dar dorch syn stolt vnde kloch
De wysz is . de kan kunst ghenoch
Dede leret dorch hofart vnde dorch gelt
De speygelt syk alleyn vp der werlde velt
Ghelyk eyner narrynnen . de syk doet smucken
Vnde speygelt syk der werlde myt den stucken
So se vpspant des duuels garn
Vnde maket vele selen tor hellen varen
Dat is de smutlyn vnde de kloff
Dar dorch de duuel socht groten loff
Vnde heft ghevoret so mannigen hyn
gw5053_stockholm_377_J3r
De syk beduchte gantz wyttich to syn
Vnde dat dorch frouwen to moste ghan
Vnde dan in den stride nicht mochten bestan
Se hadde Hollofernes hoͤuet nicht ghekregen
De wise man sprickt . kere di wech vnde ganck vth
Van vrouwen de syk sus flyen vth
Wente vele narrynnen synt also gheyl
Se beden er ghesychte draden veyl
Menet yd schade nicht . wor yd blyft
Wan se eynen blyck deme narren ghyft
Werlyken . ghesycht brynget boͤsen danck
Vnde seth mannigen vp de narrenbanck
De dar van nicht lychtlyk kumpt ghewys
So lange went dat de hegger ghevangen is
Se were dorch ebroke nicht befleckt
gw5053_stockholm_378_J3v
Eyne othmodige vrouwe is ere werd
Vnde werdich dat se wert gheerd
Auer welker de homod nympt to henden
Dar is de duuel vort by den wenden
He weed se blyft alleyne nicht lanck
Se brynget meer vp der narren banck
Sodane wyl alle tyd tovoren dar an
Dat nemant myt er ghestellen kan
De grotste wyszheyt vp aller erd
Jst . konen doen dat yslyk begherd
Vnde wo men dat vor gud nicht nemet
Doch konen doͤn dat yslikem temet
De sodaner vrouwen wyl doͤn recht
De mod syn ychteswan mer dan knecht
Wente se ghar vaken dorch blodicheyt
Meer don dan dorch lysticheyt
¶ De homod is in godes hath
Styget vp yo mer vnde yo bath
Vnde valt tolest in korter stunt
gw5053_stockholm_379_J4r
Hoer hofard . yd kumpt dy de stunde
Dattu sprickst vth dynem egen munde
Wat brynget myn hoger mod my in
De ik hir sytte in ewyger pyn
Wat helpet my gelt . gud vnde rykedom
Wat helpet der werlde ere vnde roem
Dat ik men kort hebbe angheseen
Ogenblycklyk is yd nu dar hen
Wo salich is he de dyt heft voracht
Vnde vppe god den ewygen schat betracht
Nicht duncket eynem narren hir so hoch
Jd felt myt em to deme lesten doch
Vorvth de schentlyke sundige hochfart
De heft an erer natur vnde ard
Se warp aff van deme hemmel snelle
Den hogesten engel deep in de helle
Se kan nicht lange vp erden bestan
Se mod yummer soͤken eren stoel
Dar vyndet se den de se heft bedacht
Homod is draden tor hellen ghebracht
gw5053_stockholm_380_J4v
Dar vmme de here seer tornich wart
Moste dar vmme kesen eyne plage grod
Herodes . Sennacheryb . vnde der eyn groet tal
De synt ghevallen dorch homod al
De homodigen synt alle godes fyende
Vnde synt des duuels negeste ghesynde
GW5053/B92
gw5053_stockholm_373_J1r
gw5053_stockholm_374_J1v
gw5053_stockholm_375_J2r
Dem wert to leen nicht anders mere
Dan dat ſyn wan en heft bedrogen
So he buwet vp den regen boghen
Dede welfet vp eyne dēnen ſuel
Deme wert in kort ſyn anſlach fuel
Dede roem v wertlyke ere . hir begherd
De vormode ſyk nicht . dat em dort mer wert
Mānich narre holt ſyk groet vor handen
Dar vmme he kūpt vth walſchen lāden
V ſach dar twey narren de gluren theen
V dat he heft den rorapen gheſeen
V ſy to ſcholen worden wyß
To Banony . to Pauy . to Paryß
Tor hogen Seen in der Sapientz
Ok in der ſchole to Orlygentz
Alze eft nicht ok in dudeſchen landen
Were vornuft . ſynne yēniger hāden
Dar myt men wyßheyt . kun mocht leren
Jd is neen noet ſo vern tor ſcholen keren
De nu wyl leren in ſynem lande
De vyndet nu boͤker mānigerhāde
Dat neyn man mach entſchuldigen ſyk
gw5053_stockholm_376_J2v
He wylle dēne legen leerlyk
Mē meende ychteſwā yd en were neen lere
Dan to athenas ouer deme mere
Dar na men ſe by den walen vant
Nu vyntmen ſe ok in dudeſchem lant
V ghebrickt vns nicht . were nicht beer v
V dat wy dudeſchen vul wyllē ſyn (wyn
V mogen neen recht arbeyt doen
Wol deme dede heft eynen wyſen ſoen
Jk achte nicht datmen heft . kun v ſyn
A elle dar mede na homodigem ghewyn
V menet dar dorch ſyn olt v kloch
De wyß is . de kan kun ghenoch
Dede leret dorch hofart v dorch gelt
De ſpeygelt ſyk alleyn vp der werlde velt
Ghelyk eyner narrynnē . de ſyk doet ſmuckē
V ſpeygelt ſyk der werlde myt den ucken
So ſe vp ſpant des duuels garn
V maket vele ſelen tor hellen varen
Dat is de ſmutlyn v de kloff
Dar dorch de duuel ſocht groten loff
V heft ghevoret ſo mānigen hyn
gw5053_stockholm_377_J3r
De ſyk beduchte gantz wyttich to ſyn
Balaam eynen rad Balach an brochte
Wor Jſrahel god myt vor tornē mochte
V dat dorch frouwē to moe ghan
V dā ī dē ride nicht mochtē beā (vlegē
Hadde Judith ſyk nicht myt tzyringe vpghe
Se hadde Hollofernes hoͤuet nicht ghekregē
Jeſabel . leed ſyk myt ferwe beſmeren
V mende Jhehu ſcholde erer begheren
De wiſemā ſprickt . kere di wech v gāck vth
Van vrouwen de ſyk ſus flyen vth
Wente vele narrynnen ſynt alſo gheyl
Se beden er ghſychte draden veyl
Menet yd ſchade nicht . wor yd blyft
Wan ſe eynen blyck deme narren ghyft
Werlyken . gheſycht brynget boͤſen danck
V ſeth mānigen vp de narren banck
De dar vā nicht lychtlyk kumpt ghewyſ
So lange went dat de hegger ghevangē iſ
Hadde Barſabe ere been bedeckt
Se were dorch ebroke nicht befleckt
Do Dyna māckt de vrōden quam
gw5053_stockholm_378_J3v
Sychem er iūckfrouwelike ere er nam
Eyne othmodige vrouwe is ere werd
V werdich dat ſe wert ghe erd
Auer welker de homod nympt to henden
Dar is de duuel vort by den wenden
He weed ſe blyft alleyne nicht lanck
Se brynget meer vp der narren banck
Sodane wyl alle tyd to voren dar an
Dat nemāt myt er gheellen kan
De grote wyßheyt vp aller erd
J . konen doen dat yſlyk begherd
V women dat vor gud nicht nemet
Doch konen doͤn dat yſlikem temet
De ſodaner vrouwē wyl doͤn recht
De mod ſyn ychteſwan mer dan knecht
Wēte ſe ghar vaken dorch blodicheyt
Meer don dan dorch lyicheyt
¶ De homod is in godes hath
Styget vp yo mer v yo bath
V valt to le in korter unt
To lucifer in der hellen grunt
gw5053_stockholm_379_J4r
Hoer hofard . yd kumpt dy de unde
Dattu ſprick vth dynem egen munde
Wat brynget myn hoger mod my in
De ik hir ſytte in ewyger pyn
Wat helpet my gelt . gud v rykedom
Wat helpet der werlde ere v roem
Dat ik men kort hebbe an gheſeen
Ogenblycklyk is yd nu dar hen
Wo ſalich is he de dyt heft vor acht
V vppe god den ewygen ſchat betracht
Nicht duncket eynem narren hir ſo hoch
Jd felt myt em to deme leen doch
Vor vth de ſchentlyke ſundige hochfart
De heft an erer natur v ard
Se warp aff van deme hēmel ſnelle
Den hogeen engel deep in de helle
Se brachte vth deme paradys den erē man
Se kan nicht lange vp erden bean
Se mod yūmer ſoͤken eren oel
By lucifer in der hellen poel
Dar vyndet ſe den de ſe heft bedacht
Homd is draden tor hellen ghebracht
gw5053_stockholm_380_J4v
Dorch homod Pharo gantz vorderff
V Core myt ſyner gheſelſchop erff
Babylon wart ghebuwet dorch hofart
Dar ve de here ſeer tornich wart
Dauid leet tellen dat volck dorch homod
Moe dar ve keſen eyne plage grod
Herodes . Sēnacheryb . v eyn groet tal
De ſynt ghe vallen dorch homod al
De homodigen ſynt alle godes fyende
V ſynt des duuels negee gheſynde