GW5058/B4
b3r
b3v
Maintenant en ce present aage
Par les aultres nouuel vsaige
Nouueau rit coustume nouuelle
Est gardee la chose est telle
Mais ie ne puis pas bien penser
En mon cueur ne contrepenser
Lequel est le plus fol des deux
Vsant du nouueau rit et vieux
Ou cil qui prent les grans coudetz
Comme font vng tas de lourdetz
Ou cil qui porte manches larges
Comme font maintenant les paiges
Si non de dire quil me semble
Que mectre se peuent ensemble
Tous les philozophes apres
Et auant quil fust mort portoient
La barbe grant lesquelz estoient
Rempliz de grande sapience
Mais eulx decedez leur science
Soy voyant par nous contempnee
Sen est lassus au ciel volee
Nous laissant ca bas tous inhertes
Dont sont innarrables les pertes
¶Libidinite corrumpue
A commence faire repue
Et tenir son cours par le monde
Toutes vertuz et chose monde
Dont les haultz cieulx sont decorez
Ny sont plus mais sont demorez
Tous maulx tous vices et pechez
Dont les humains sont entachez
¶Tout le monde se contrefait
Et veullent ce que dieu a fait
Par presumpcion contrefaire
En cuidant mieulx que dieu les faire
Qui est vng peche par trop grant
Honteux sont et honte les prant
De porter grant barbe au visaige
De peur de monstrer leur vieulx aage
Mais leurs corps et viz si bien gardent
Si bien les acoutrent et fardent
Que iamais ne deuiennent vieulx
Se semble. et aussi leurs cheueux
Les vngz comme sicambriens
b4r
¶Leurs habitz sont si dissoluz
Quilz monstrent prez que leurs corps nuz
Pour deceuoir les pauures filles
Par leurs facons tresinutiles
Et sont comme cheuaux maliers
Leurs colz chargez de gros coliers
De grosses chesnes et chesnettes
De bagues dor et de baguettes
Les doiz rempliz de gros anneaux
Larges bonnetz et grans chapeaux
Robes courtes iusques aux hanches
Pleines de pliz et larges manches
Pourpoins decoupez entaillez
Manteaux diuers et fretaillez
Robes courtes de diuers draps
Voire qui sont a deux rebras
Lung derriere lautre deuant
Les aultres qui sont pleins de vent
Portent les chemises brodees
A grans manches toutes bordees
De fin lin. que pourray ie escripre
Si non de crier et de dire
Que nous suiuons par noz meffaitz
Desquelz portons les vestemens
Des maulx pour resolucion
Cest pour ta dissolucion
Ie le te dy et si le note
Qui as endure que lon porte
Telz vestemens et si lendures
Encor dont pugnicions dures
Auras si en brief ny pouruoys
Pourquoy seuffre tu quant tu vois
Tes subiectz ainsi mal vser
Et de leur estat abuser
Chasse chasse ces nouueaux ritz
Car il nen viendroit point de riz
Oste les car ilz sont infames
Autant des hommes que des femmes
Ou bien en brief pourras congnoistre
Que dieu qui de tous est le maistre
Et qui les humains iugera
De ses subgetz se vengera
GW5058/B4
b3r
b3v
Maintenant en ce pꝛeſent aage
Par les aultres nouuel vſaige
Nouueau rit couume nouuelle
E gardee la choſe e telle
Mais ie ne puis pas bien penſer
En mon cueur ne contrepenſer
Lequel e le plus fol des deux
Vſant du nouueau rit et vieux
Ou cil qui pꝛent les grans coudetʒ
Comme font vng tas de lourdetʒ
Ou cil qui poꝛte manches larges
Comme font maintenant les paiges
Si non de dire quil me ſemble
Que mectre ſe peuent enſemble
Tous les philoʒophes apꝛes
Et auant quil fu moꝛt poꝛtoient
La barbe grant leſquelʒ eoient
Rempliʒ de grande ſapience
Mais eulx decedeʒ leur ſcience
Soy voyant par nous contempnee
Sen e laus au ciel volee
Nous laiant ca bas tous inhertes
Dont ſont innarrables les pertes
¶Libidinite coꝛrompue
A commence faire repue
Et tenir ſon cours par le monde
Toutes vertuʒ et choſe monde
Dont les haultʒ cieulx ſont decoꝛeʒ
Ny ſont plus mais ſont demoꝛeʒ
Tous maulx tous vices et pecheʒ
Dont les humains ſont entacheʒ
¶Tout le monde ſe contrefait
Et veullent ce que dieu a fait
Par pꝛeſumpcion contrefaire
En cuidant mieulx que dieu les faire
Qui e vng peche par trop grant
Honteux ſont et honte les pꝛant
De poꝛter grant barbe au viſaige
De peur de monrer leur vieulx aage
Mais leurs coꝛps et viʒ ſi bien gardent
Si bien les acoutrent et fardent
Que iamais ne deuiennent vieulx
Se ſemble.et aui leurs cheueux
Les vngʒ comme ſicambꝛiens
b4r
¶Leurs habitʒ ſont ſi dioluʒ
Quilʒ monrent pꝛeʒ que leurs coꝛps nuʒ
Pour deceuoir les pauures filles
Par leurs facons treſinutiles
Et ſont comme cheuaux maliers
Leurs colʒ chargeʒ de gros coliers
De groes cheſnes et cheſnettes
De bagues doꝛ et de baguettes
Les doiʒ rempliʒ de gros anneaux
Larges bonnetʒ et grans chapeaux
Robes courtes iuſques aux hanches
Pleines de pliʒ et larges manches
Pourpoins decoupeʒ entailleʒ
Manteaux diuers et fretailleʒ
Robes courtes de diuers draps
Voire qui ſont a deux rebꝛas
Lung derriere lautre deuant
Les aultres qui ſont pleins de vent
Poꝛtent les chemiſes brodees
A grans manches toutes bordees
De fin lin.que pourray ie eſcripre
Si non de crier et de dire
Que nous ſuiuons par noʒ meffaitʒ
Les meſcreans et turcʒ infectʒ
Deſquelʒ poꝛtons les veemens
¶France ſi tu as des tourmens
Des maulx pour reſolucion
Ce pour ta diolucion
Je le te dy et ſi le note
Qui as endure que lon poꝛte
Telʒ veemens et ſi lendures
Encoꝛ dont pugnicions dures
Auras ſi en bꝛief ny pouruoys
Pourquoy ſeuffre tu quant tu vois
Tes ſubiectʒ ainſi mal vſer
Et de leur eat abuſer
Chae chae ces nouueaux ritʒ
Car il nen viendroit point de riʒ
Oe les car ilʒ ſont infames
Autant des hommes que des femmes
Ou bien en bꝛief pourras congnoire
Que dieu qui de tous e le maire
Et qui les humains iugera
De ſes ſubgetʒ ſe vengera
GW5058/B3
b2r
b2v
Ou prodigue qui tout despend
Et riens amasser ne pretend
Mais laisse ses biens decourir
Et par faulte dordre perir
Entre ses mains sans y pourueoir
¶A telz tous les iours vient lauoir
Qui sont en bonnes meurs nouices
Et rempliz de maulx et de vices
Mais au bon vient le contrepoint
Aussi bien nen veullent ilz point
Nas tu point bien peu de cerueau
Qui de richesse grant monceau
En grans labeurs aux tiens compile
Et ne veux a ton ame vile
Salut pourchasser nullement
Las tu aimes pluscherement
Souffrir peine trauaulx ennuys
Pour leur amasser iours et nuitz
Puis tu meurs. apres ton trespas
Tes biens ne te donneront pas
Confort mais tenseueliront
b3r
Qui est es infernaulx palus
Pres de leau qui de soif tarist
Et pres dung poirier et perist
De fain. car quant il cuide boire
Leau se besse trop. et la poire
Quant la veult prendre par assault
Le poirier se lieue si hault
Que toucher ni peut nullement
Et de soif et fain pourement
Demeure tousiours souffreteux
¶Considere bien maleureux
A cecy et te donne garde
Que le grant feu denfer ne tarde
Mieulx te vauldroit abandonner
Et aux pauures tes biens donner
Que tumber en ce dur torment
Et pour ce toy vif incessamment
Ou nom du benoist ihesucrist
Qui pour nous dure mort souffrist
Faiz des biens puis que tu en as
Car apres ta mort rien nauras
Et par ce moien paruenir
Pourras es cieulx en laduenir
Sans sousfrir linfernale honte
Qui dit que iamais homme saige
Ne fut qui voulsist par oultraige
Regner puissamment en ce monde
Mais dung cueur et pensee monde
Ne demande que sapience
A celle fin quen pacience
Et en paix en ce monde viue
Et que mondains plaisirs eschiue
Ce que le saige peult bien faire
Sans auoir nullement affaire
Desiroit auoir dor grans sommes
Ce quil eut bien seurs nous en sommes
Fut empoisonne tout expres
Que tant il auoit procure
Dont par luy nous est figure
Que ce que nous aymons si fort
Nous procure souuent la mort
Veoir le pouez par cest exemple
Ie vous suppli que lon contemple
Qui son tresor ne voulut mye
Emporter quant voulut vacquer
Et son cueur et corps applicquer
A veoir de la philozophie
Disant richesse estre ennemye
De science. au moien de quoy
Luy qui auoit si bien de quoy
Gecta tous ses biens en la mer
Dont nul ne le scauroit blasmer
¶Et pour ce donc pauures humains
Qui trauaillez et soirs et mains
Aux biens et tresors acquerir
Pensez y sans plus requerir
Tant de biens affin ques grans flames
Naillent en fin voz pauures ames
GW5058/B3
b2r
b2v
Ou pꝛodigue qui tout deſpend
Et riens amaer ne pꝛetend
Mais laie ſes biens decourir
Et par faulte doꝛdre perir
Entre ſes mains ſans y pourueoir
¶A telʒ tous les iours vient lauoir
Qui ſont en bonnes meurs nouices
Et rempliʒ de maulx et de vices
Mais au bon vient le contrepoint
Aui bien nen veullent ilʒ point
Nas tu point bien peu de cerueau
Qui de richee grant monceau
En grans labeurs aux tiens compile
Et ne veux a ton ame vile
Salut pourchaer nullement
Las tu aimes pluſcherement
Souffrir peine trauaulx ennuys
Pour leur amaer iours et nuitʒ
Puis tu meurs.apꝛes ton treſpas
Tes biens ne te donneront pas
Confoꝛt mais tenſeueliront
b3r
Qui e es infernaulx palus
Pꝛes de leau qui de ſoif tari
Et pꝛes dung poirier et peri
De fain.car quant il cuide boire
Leau ſe bee trop.et la poire
Quant la veult pꝛendre par aault
Le poirier ſe lieue ſi hault
Que toucher ni peut nullement
Et de ſoif et fain pourement
Demeure touſiours ſouffreteux
¶Conſidere bien maleureux
A cecy et te donne garde
Que le grant feu denfer ne tarde
Mieulx te vauldroit abandonner
Et aux pauures tes biens donner
Que tumber en ce dur toꝛment
Et pour ce toy vif inceamment
Ou nom du benoi iheſucri
Qui pour nous dure moꝛt ſouffri
Faiʒ des biens puis que tu en as
Car apꝛes ta moꝛt rien nauras
Et par ce moien paruenir
Pourras es cieulx en laduenir
Sans ſouſfrir linfernale honte
¶Lis bien ce que tulle raconte
Qui dit que iamais homme ſaige
Ne fut qui voulſi par oultraige
Regner puiamment en ce monde
Mais dung cueur et penſee monde
Ne demande que ſapience
A celle fin quen pacience
Et en paix en ce monde viue
Et que mondains plaiſirs eſchiue
Ce que le ſaige peult bien faire
Sans auoir nullement affaire
Deſiroit auoir doꝛ grans ſommes
Ce quil eut bien ſeurs nous en ſommes
Mais doꝛ par les parthes apꝛes
Fut empoiſonne tout expꝛes
Que tant il auoit pꝛocure
Dont par luy nous e figure
Que ce que nous aymons ſi foꝛt
Nous pꝛocure ſouuent la moꝛt
Veoir le poueʒ par ce exemple
Je vous ſuppli que lon contemple
De ſocrates la pꝛeudommie
Qui ſon treſoꝛ ne voulut mye
Empoꝛter quant voulut vacquer
Et ſon cueur et coꝛps applicquer
A veoir de la philoʒophie
Diſant richee ere ennemye
De ſcience.au moien de quoy
Luy qui auoit ſi bien de quoy
Gecta tous ſes biens en la mer
Dont nul ne le ſcauroit blaſmer
¶Et pour ce donc pauures humains
Qui trauailleʒ et ſoirs et mains
Aux biens et treſoꝛs acquerir
Penſeʒ y ſans plus requerir
Tant de biens affin ques grans flames
Naillent en fin voʒ pauures ames